Charter Document - 06410237
| Charter Number: | 06410237 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1202 - 1203 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 29/15 |
Charter:
Notum sit presentibus et futuris quod ego Robertus comes Melleti dedi et in puram et perpetuam elemosinam concessi pro salute anime mee et antecessorum meorum Deo et sancte Marie sanctoque Petro de Gemmetico et monachis ibidem Deo servientibus capellam Sancti Philiberti de Torpo cum masagio vi acrarum in foresta Brotonie et carrucatam terre scilicet lx acras terre arabilis cum bosco mensurate cum pertica xxv pedum Que terra incipit a valle Vivarii juncta marisco in longitudinem Dedi etiam mariscum a vivario usque ad viam que dicitur Lebanket Preterea dedi et in perpetuum concessi predicto loco et monachis ibidem Deo servientibus xl solidos puplice monete in eadem foresta annuatim reddendos per manum forestarii in festo sancti Michaelis et quietantiam x vacarum cum tauro suo et cum secta earum usque ad tercium annum et quatuor boum et duorum equorum ad aratrum per totam forestam meam et quietantiam propriorum pecorum et pasnagium propriorum porcorum per totam forestam meam quietum Preterea dedi et in perpetuum concessi prefatis monachis poma colligenda ad proprium potum eorum per totam forestam meam et scutellan elemosine mense mee cum potu ad eamden pertinente quandocumque ego ero aput Watevillam vel aput Hauvillam vel aput ipsum Torpum et boscum ad proprios usus predicte domus de Torpo Concesserunt autem mihi dominus abbas et conventus Gemmeticenses quod in loco de Torpo duos monachos constituent qui pro salute anime mee et antecessorum meorum orationes fundent ad Dominum Et ut hec mea donatio et elemosina firma et stabilis permaneat in futurum presens scriptum sigilli mei testimonio confirmavi Testibus hiis Nicolao tunc capellano meo Waltero de Briognio Waltero de Frollancuria Roberto filio Landrici tunc temporis senescallo meo Johanne de Feugeroles militibus Alexandro preposito de Watevilla Wilelmo de Vado Wilelmo de Brotonia Wilelmo de Putot Osberto de Bosco Blundello servientibus meis et aliis multis Datum anno incarnati Verbi MCCII Aput Rothomagum
Source (click image below to view full size)
