Charter Document - 06410227
| Charter Number: | 06410227 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1201 - 1202 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Omnibus Christi fidelibus ad quos presens scriptum pervenerit Walterus Dei gratia Rothomagensis archiepiscopus salutem in Domino Ad universitatis vestre notitiam volumus pervenire dilectum filium nostrum Rogerum Torel in presentia nostra dedisse concessisse et carta sua confirmasse Deo et abbatie Gemmeticensi in perpetuam elemosinam quindecim acras terre in parrochia de Giseigners et boscum quod dicitur Buscus Rohardi et quatuor solidos et quatuor capones annuatim que ipse percipiebat in terra elemosine eorumdem monachorum Insuper concessit et confirmavit omnes elemosinas libere eisdem monachis habendas quas ipse et antecessores sui eisdem monachis in supradicta parochia contulerunt Hanc autem concessionem et confirmationem in manus nostras presentavit Nos autem eam ratam et firmam habentes et volentes perpetua firmitate gaudere eam presenti scripto et sigilli nostri munimine duximus corroborandam Testibus domino Ricardo Rothomagensis ecclesie decano Rogero cantore magistro Johanne de Vilers et multis aliis Actum anno incarnationis dominice MCC primo apud Rothomagum mense martio Datum per manum Roberti de Sancto Nicholao capellani nostri
Source (click image below to view full size)
