Charter Document - 06410222
| Charter Number: | 06410222 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | Undefined |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Rogerus Torel et patruus ejus major natu Johannes Torel omnibus ad quos presens scriptum pervenerit salutem Universitati vestre notas facimus donationes quas diversis temporibus ecclesie Gemmeticensi contulimus Ego videlicet Rogerus Torel pro remedio amine mee et antecessorum meorum et pro ex cambio unius modii [vini] frumenti quem parentes mei pro avia mea Beatrice eidem ecclesie concesserant dedi tres acras terre et propter excessus meos quartam addidi in loco qui dicitur Papia Et ego Johannes Torel major natu dedi pro remedio anime mee et propter fratrem meum Gaufridum qui prefate ecclesie se reddiderat quatuor acras terre in vaucello de Boelia quintam etiam addidi justa terram monachorum in cultura de Murges assensu et voluntate domini et nepotis mei Rogeri Torel et assensu junioris fratris mei Johannis Preterea etiam in terra que dicitur Terra elemosine quicquid juris ego et junior frater meus Johannes habebamus prenominate ecclesie dedimus videlicet iiii solidos Andegavensium ad festum sancti Remigii et iiii capones ad natale Domini et campi parti dominium Hec et quicquid antecessores nostri de feodo nostro prefate ecclesie contulerunt nos in perpetuam elemosinam possidenda libere et quiete et absque omni exactione concedimus et damus et sigillorum nostrorum appositione confirmamus Quod si in prefatis locis de prefato nummo aliquid defuerit nos in cultura de Murges supplebimus Testibus Matheo de Boelia Willelmo de Travalers Ivone de Traceio et multis aliis Actum anno ab incarnatione Domini MCC Apud Rupem Andeliaci
Source (click image below to view full size)
