Charter Document - 06410221
| Charter Number: | 06410221 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1201 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Universis Christi fidelibus ad quos presens scriptum pervenerit ego Walterus Dei gratia Rothomagensis archiepiscopus salutem in Domino Ad universitatis vestre noticiam volumus pervenire Ricardum Malum Filiaster assensu et voluntate Ricardi Harou domini sui in presentia nostra dedisse et concessisse et carta sua confirmasse Deo et beate Marie et abbati et conventui Sancti Petri Gemmeticensis in liberam puram et perpetuam elemosinam decem sextarios hyvernagii quos ipse in decima de Hanesies jure hereditario possederat intuitu Dei et pro salute sua et antecessorum suorum possidendam Nos autem donationem illam ratam habentes et debita eam firmitate in perpetuum gaudere volentes prefatam elemosinam predicto abbati et conventui presenti scripto et sigilli nostri patrocinio corroboravimus Testibus magistro Simone cancellario magistris Johanne de Sagio Johanne de Vilers et multis aliis
Source (click image below to view full size)
