Charter Document - 06410213
| Charter Number: | 06410213 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1200 |
| Date type: | Assigned |
| Resource Link(s): |
Archives départementales de Seine-Maritime - 9 H 640/2 SCRIPTA - Base des actes normands médiévaux |
Charter:
Notum sit omnibus presentibus et futuris quod ego Vivianus filius Roberti Tierri vendidi et in perpetuum absjuravi et presenti carta et sigilli mei munimine confirmavi abbati et monachis Gemmeticensibus decem et octo denarios redditus annuatim reddendos eis ad natale per manum Roberti Terri et heredum suorum de tenemento quod de me tenebat aput Boscum Gerout de feodo Peregrini Et pro illo redditu predicti abbas et monachi mihi dederunt duodecim solidos Turonensium Ego vero Walterus filius Roberti Terri vendidi et in perpetuum abs juravi et presenti carta et sigilli mei munimine confirmavi predictis abbati et monachis duos solidos et dimidium redditus annuatim reddendos eis ad festum sancti Michaelis per manum Rogeri Coldeburel et heredum suorum de tenemento quod de me tenebat aput Boscum Gerout de feodo Peregrini Et pro illo redditu predicti abbas et monachi mihi dederunt viginti et septem solidos Turonensium Predicti siquidem decem et octo denarii debentur pro terra de Essarto et pro campo Viviani et pro campo de Post Furnum Et predicti duo solidi et dimidius debentur pro campo de Mareta et pro virgata de Sub Bosco et pro campo qui jungitur camino juxta Hussellum Testibus Radulfo de Mesnil Wace Willelmo de Altaribus militibus Gaufrido de Monte Tihart Willelmo de Bosco Gerout Willelmo de Guefal Radulfo de Quesneto Gocelino Curto et aliis multis
Source (click image below to view full size)
