Charter Document - 06410208
| Charter Number: | 06410208 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
Archives départementales de Seine-Maritime - 9 H 639/3 SCRIPTA - Base des actes normands médiévaux |
Charter:
Noverint presentes et futuri quod ego Radulfus de Maisnillo Guazonis concessi et dedi ecclesie Gemeticensi et monachis ibidem Deo servientibus in perpetuam et puram elemosinam hospitem unum quem de feodo Gemeticensi jure hereditario tenebam videlicet Robertum de Colle filium Walteri cum omni tenemento suo quod de me tenebat libere et quiete et absque omni prorsus exactione Jam dictus etiam Robertus et heres ejus annuatim debet reddere abbati et monachis unum modium avene ad mensuram publicam et unam minam ordei de molta et precationes aratri et terre secundum consuetudinem aliorum hominum nostrorum et ad natale Domini iii capones et unam gallinam et iiii denarios pro remedio anime mee et pro patre meo qui apud Gemeticum monachum induit Hanc etiam donationem ego et heres seu quilibet successor meus guarantizare et defendere debemus sine fraude et bona fide Atque ut hoc ratum in perpetuum habeatur sigilli mei munimine roboravi Testibus Drogone de Trubevilla et magistro Renaudo clericis Willelmo de Clechemora et Ricardo clerico et Roberto de Colle Roberto Esperon Radulfo Portario Columbo et multis aliis
Source (click image below to view full size)
