Charter Document - 06410200
| Charter Number: | 06410200 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
Archives départementales de Seine-Maritime - 9 H 24/12 SCRIPTA - Base des actes normands médiévaux |
Charter:
Ego Rogerus senescallus Mellenti notum fieri volo universis quod Agnes de Mellent petiit a me ut liceret ei pro anima sua et patris et matris sue et pro animabus maritorum suorum Ricardi Symonis et Radulfi et heredum suorum monachis Gemmeticensibus dare nummum quem ab eis singulis annis in ascensione navis eorum per Mellentum habebat quod ego facillime annui Quia vero predictum nummum cum aliis in feodo de me tenebat in manu mea illum resignavit et ego ad peticionem ipsius illo nummo in perpetuam elemosinam tenendo Gemmeticensem ecclesiam in manu Radulfi de Huglevilla ejusdem loci monachi investivi faventibus predicte Agnetis heredibus et meis ita quod monachi amodo naves suas vel bacos per Mellentum libere et quiete nulla petita licentia et absque nummorum redditione quotiens et quando voluerint ducent Notandum est etiam quo ego pro salute anime mee et animarum patris et matris mee et heredum meorum predictis monachis medietatem pressure uvarum vinee de Bordel in perpetuam elemosinam assensu heredum meorum dedi Testibus Malgerio de Mesi Roberto Raphael Willelmo de Sancto Nichasio presbiteris Caysnelo et Odone de Trelo et Petro de Cingula militibus Radulfo et Joscelino de Gisorz Monacho Hungeri filio Roberto de Gisorz Tiboldo de Cava Rua Odone de Mezi et pluribus aliis