Charter Document - 06410194

Noverint presentes et futuri quod per juramentum et recognitionem fidelium hominum de Chilebo et de Maresco Warneri recognitum est et concessum ab R abbate Gementicense et conventu ejus et a domino Henrico de Longo Campo quod ab utraque parte in perpetuum teneri debet et a successoribus eorum videlicet quod homines de Chilebo immunes ab omni consuetudine erunt aput Marescum Warneri quicquid vendere vel emere voluerint undecunque attulerint et similiter homines de Maresco Warneri immunes erunt aput Chilebo quicquid vendere vel emere voluerint undecumque attulerint Item si homines de Maresco Warneri ad portum de Chilebo transire voluerint et ad natale Domini portario secundum consuetudinem dederint panem vel nummum per totum annum illum inmunes erunt si autem noluerint dare panem vel nummum quotiens transire voluerint pretium dabunt exceptis qui sunt de mensa domini Henrici cujus rei si ignoti fuerint fidem corporaliter facient et immunes erunt Si autem forisfactum aliquod factum fuerit ab aliquo alterutrius partis aput Chilebo vel aput Marescum in divisione terrarum ab utraque parte emendabitur vel si ibi convenire non potuerint propter aquam ubi complacuerit utrique parti emendabitur salvo jure tam abbatis quam domini Henrici Quod si aliquis transiens qui de neutro istorum tenet aput Chilebo vel aput Marescum foris fecerit vel contra eum foris factum fuerit ibidem continuo secundum consuetudinem veterem emendabitur ubi foris factum fuerit