Charter Document - 06410183
| Charter Number: | 06410183 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1101 - 1200 |
| Date type: | Assigned |
| Resource Link(s): |
Archives départementales de Seine-Maritime - 9 H 985/1 SCRIPTA - Base des actes normands médiévaux |
Charter:
Sciant omnes presentes et futuri quod ego Nicholaus Burnel concessi et dedi Nicholao de Londa pro servitio suo totum illud tenementum et feodum quod Willelmus de Neivillette de me apud Neivillette tenebat et ipsum Willelmum cum eodem tenemento cumque omnibus pertinenciis ejus ita quod in eodem homine aut in tenemento ejus vel in pertinenciis ejus nichil retinui preter hoc quod ipse Nicholaus de Londa in rationabili sum monitione mea veniet mecum ad placita mea per unam vicem in anno inter Rislam et Secanam Et per hoc servitium ipse Nicholaus de Londa et sui heredes predictum feodum et hominem integre cum omnibus pertinenciis de me et heredibus meis tenebunt Et per hoc servitium ego Nicholaus Burnel et mei heredes predictum tenementum et hominem garantizabimus predicto Nicholao de Londa et ejus heredibus Pro hujus igitur hereditatis concessione dedit mihi prefatus Nicholaus de Londa quindecim libras Andegavensium de recognitione Quod ut hec donatio mea rata et inconcussa permaneat eam presenti scripto et sigilli mei munimine confirmavi Testibus Henrico de Landa Guerehes de Goisbervilla Roberto Servin Philippo filio Tole Roberto Marie Willelmo Ivas Roberto Borguegnon et multis aliis
Source (click image below to view full size)
