Charter Document - 06410175
| Charter Number: | 06410175 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1198 - 1213 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Notum sit universis ad quos presens scriptum pervenerit quod ego Willelmus miles filius Willelmi de Cierneio concedo et presenti carta confirmo in perpetuam elemosinam abbacie Gemmeticensi et monachis ibidem Deo servientibus unum campum trium acrarum qui est inter marescum et viam que ducit ab Obsiaco Chyernum quem ex dono Rogeri avi mei prius adepti fuerant Idem autem monachi Gemmeticenses dederunt mihi pro hac concessione sexaginta solidos Andegavensium et patri meo novem libras Andegavensium pro eadem concessione qui eis eamdem terram sigilli sui munimine confirmavit et eis imperpetuum libere et quiete possidendam reliquit et sacramentum jurisjurandi prestitit sub testimonio tocius parochie Sancti Albini de Osiaco quod eis monachis nullum ulterius inferet super predicta terra prejuditium vel gravamen Et ego similiter idem prestiti juramentum Et ut hoc factum ratum et stabile permaneat et nulla possit imposterum cavillatione debilitari presens scriptum sigilli mei appositione roboratum predictis monachis ad melioris possessionis et juris defensionem indulxi Inde sunt testes Alexander abbas Ranulfus prior Odo [de] Fornevilla Petrus de Cadamo monachi Henricus sacerdos Willelmus de Osoiaco et multis aliis
Source (click image below to view full size)
