Charter Document - 06410172
| Charter Number: | 06410172 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 - 1213 |
| Date type: | Assigned |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 31/18 |
Charter:
Universis sancte matris ecclesie filiis ad quos presens scriptum pervenerit Alexander divina permissione abbas ecclesie sancti Petri de Gemmeticis totusque ejusdem loci conventus in Domino salutem Noverit universitas vestra quod controversia que vertebatur inter nos et Robertum de Mesnillo militem de cursu aque de Diva super molendinis nostris scilicet super molendino quod dicitur Potin et super molendino quod dicitur molendinum Droci et de decima de Voiri quam clamabat de nobis feodaliter tenendam in hunc modum determinata est et sopita quod nos pro bono pacis et fine totius controversie predicte et omnium reclamationum concessimus et dedimus eidem Roberto et heredibus suis servitium et quicquid habebamus in vavassoria Tygrin quam tunc de nobis tenebant heredes Bartholomei de Trum salva nobis decima ejusdem vavassorie et molta quam tenentes eamdem vavassoriam reddent nobis ita quod ad molendinum nostrum venient molturi salvo etiam auxilio regis et homagio suo Et idem Robertus et heredes sui duabus vicibus in anno venient ad placita nostra tenenda rationabilibus sub monitionibus aput Colonceles vel aput Vimonasterium ubi nobis melius placuerit Nos vero de terra predicti Roberti que est in dominico suo capere debemus quando nobis necessarium fuerit ad exclusas nostras faciendas si terra nostra ad hoc faciendum forsitan defecerit Quod ut ratum et inconcussum futuris temporibus permaneat illud presenti scripto et sigilli nostri patrocinio eidem Roberto et heredibus suis confirmavimus et idem Robertus pro se et heredibus suis presenti scripto et sigilli sui appositione nobis confirmavit
Source (click image below to view full size)
