Charter Document - 06410168
| Charter Number: | 06410168 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1195 |
| Date type: | Internal, Regnal |
| Resource Link(s): |
Archives départementales de Seine-Maritime - 9 H 1782/1 SCRIPTA - Base des actes normands médiévaux |
Charter:
Ricardus Dei gratia rex Anglie dux Normannie et Aquitanie comes Andegavie archiepiscopis episcopis abbatibus comitibus baronibus justiciis vicecomitibus senescallis prepositis baillivis et omnibus ministris et fidelibus suis salutem Sciatis nos dedisse et presenti carta nostra confirmasse Deo et abbatie Gemeticensi et abbati et monachis ibidem Deo servientibus Contevillam cum pertinenciis in perpetuam elemosinam possidendam pro excambio Pontis Arche quam villam idem abbas et monachi nobis concedunt cum omnibus que ibi habebant preter ecclesiam quam retinent ad opus suum ita videlicet quod de redditu de Contevilla singulis annis reddent nobis ad scacarium nostrum xx l Andegavensium Quare volumus et firmiter precipimus quod predicti abbas et monachi predictam villam de Contevilla cum pertinentiis habeant et teneant bene et in pace libere et quiete integre plenarie et honorifice predicto modo cum omnibus libertatibus et liberis consuetudinibus suis et cum omni integritate sua Teste W[illelmo] filio Radulfi tunc senescallo Normannie Roberto de Harecort W Marescallo Willelmo de Trublevilla Ricardo de Montigneio Willelmo de Martigneio et pluribus aliis Data per manum Willelmi Elyensis episcopi cancellarii nostri XVIII die januarii apud Londam anno sexto regni nostri
Source (click image below to view full size)
