Charter Document - 06410161
| Charter Number: | 06410161 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1191 - 1198 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Noverint universi quod ego Willelmus de Hirvilla concedo et in perpetuam elemosinam presenti carta sigilli mei impressione roborata dono et confirmo abbatie Gemmeticensi totam terram quam Ludovicus pater meus habebat in dominio in cultura que dicitur de Costis sub Maisnille quando habitum monachi apud Gemmeticum suscepit Quam donationem ut firma in posterum et rata existeret ego in capitulo Gemmeticensi coram Ricardo abbate et priore Alexandro et toto conventu me firmiter observaturum super sacrosancta evangelia manu propria juravi et super altare Beate Marie posui inibi pluribus testibus existentibus Radulfo de Corbelvilla vicario de Hirvilla Willelmo presbitero de Croismara Luca de Croismara milite Willelmo filio ejus et Johanne Willelmo Malet Radulfo filio Ade Vitali de Monte Rogero Fillol Hermanno Roberto de Leuca Radulfo Portario Roberto Asino Rainaldo Famulo sacrista et multis aliis Hanc donationem ratam et gratam habeo et ut quieta sit omnibus diebus ab omni servicio et consuetudine et exactione et concedo et presenti scripto coram testibus confirmo
Source (click image below to view full size)
