Charter Document - 06410154
| Charter Number: | 06410154 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1188 - 1189 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 27/22 |
Charter:
Universis sancte matris ecclesie filiis ad quos presens scriptum pervenerit frater R[obertus] abbas dictus et conventus Gemmenticensis salutem et orationem Ad omnium vestrum noticiam volumus pervenire nos magistro Willelmo de Verdun illam portionem ecclesie Sancti Paterni que fuit quondam Joselini integram et liberam cum omnibus pertinentiis et obventionibus suis salvo jure episcopali dedisse de nobis habendam et tenendam sub antiquis consuetudinibus videlicet quod nos in tribus festivitatibus anni scilicet ipsa die nativitatis dominice et die pasche medietatem oblationum in denariis tantum et die purificationis medietatem candelarum percipiemus et de antiqua pensione c solidorum communis monete quam percipere consueveramus iiii libras duobus anni terminis xl solidos in festo transitus sancti Martini et xl in octavis pasche nobis memoratus magister W persolvet quia ei ad preces domini Rothomagensis de debita nobis pensione xx solidos communis monete personaliter remisimus quam quidem remissionem eo quod de nostra voluntate pro suo servitio et pro amore domini Rothomagensis processit nullum dominus Rothomagensis nobis voluit in posterum parere prejudicium quominus post sepe nominati magistri W[illelmi] decessum a successore suo integram percipiamus c solidorum pensionem Igitur ut quod sollempniter egimus futuris etiam temporibus ratum permaneat et inconcussum prelibatam donationem sigilli nostri munimine et presenti[s] scripti annotatione posteris nostris in perpetuam derivare memoriam decrevimus Actum est hoc apud Rothomagum anno incarnationis dominice MCLXXXVIII presentibus S abbate Sancti Audoeni et V Sancti Georgii et I archidiacono Oxinefordie et magistris Roberto de Sancto Paterno Johanne Sagiensi et Radulfo de Richesp et Symone et aliis quam pluribus tam clericis quam monachis
Source (click image below to view full size)
