Charter Document - 06410144
| Charter Number: | 06410144 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1186 |
| Date type: | Internal, A.D., Regnal |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 24/7 |
Charter:
In nomine sancte individue Trinitatis amen Philipus Dei gratia Francorum Rex Que bono zelo geruntur litterarum memorie decet commendari ne a posteris quos ad mala proniores fore timemus aliquatenus perperam valeant retractari Ad noticiam ideo tam presencium quam futurorum volumus pervenire quoniam Rainsendis de Maldestor et Alelmus Talebot et Odo filii ejus assensu Cristiane uxoris dicti Alermi et assensu Simonis filii sui et Luce filie sue et omnium heredum suorum et assensu Theobaldi de Maldestor et Gurrici de Genesvilla dominorum suorum de feodo illo ecclesie Gemmeticensi in elemosinam dederunt sexaginta et unum arpentum nemoris in parrochia de Genesvilla circa Fontem Ermeheri ad extirpandam et colendum Quoniam autem terra illa de nobis movebat ad nos fuit recursus et nos dono illi et elemosine supremam manum apponentes eam benigne laudavimus et concessimus salvo alieno jure Hanc itaque terram et donum quod Guerricus de Genesvilla et Paganus frater ejus et Juliana uxor Guerrici fecerunt predicte ecclesie Gemmeticensi et universa que Gemmeticensis ecclesia in regno nostro possidet in protectionem et custodiam nostram suscepimus auctoritate regia prohibentes ne quis in tota terra nostra jura memorate ecclesie violare presumat Que omnia ut perpetuam sortiantur stabilitatem presentem paginam sigilli nostri auctoritate ac regii nominis karactere subter annotato precepimus roborari Actum apud Fontem Blaaudi anno incarnati verbi MCLXXXVI regni nostri anno septimo astantibus in palatio nostro quorum nomina supposita sunt et signa signum comitis Theobaudi dapiferi nostri signum Guidonis Buticularii signum Mathei camerarii signum Radulphi constabularii Data vacante cancellaria
Source (click image below to view full size)
