Charter Document - 06410139
| Charter Number: | 06410139 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1185 - 1186 |
| Date type: | Internal, A.D. |
| Resource Link(s): |
Archives départementales de Seine-Maritime - 9 H 1574/7 SCRIPTA - Base des actes normands médiévaux |
Charter:
Noverint universi quod Odo Huberti filius et sorores ejus vendiderunt Roberto abbati et monachis Gemmeticensibus assensu heredum suorum et Huberti patris sui partem quam habebant in vinea Hildeberti apud Sanctum Martinum de Boaffa quam abbas et monachi lx et vii solidos Parisiensis monete tali pacto emerunt quod quicquid abbas vel monachi in plantationibus propaginibus clausura sive aliis emendationibus preter planam facturam usque ad quinque annos miserint memorie per talliam commendabitur ut si Odo vel sorores ejus a predicta pactione resilire voluerint et de jure potuerint predicti lxvii solidi cum pecunia in emendatione vinee expensa abbati et monachis ab eis integre reddantur Tradidit etiam Odo et sorores ejus abbati et monachis vineam quam vocant Clausum ad pignus iiii libras ab eis accipientes ut teneant de anno in annum more wagii donec redimant propria pecunia non aliena Quod si Clausum de manu Agnetis liberare non potuerint monachi Hildebertum sicut predictum est ut proprium in perpetuum tenebunt Hanc pactionem promiserunt Hubertus Odo filius ejus et sorores fide interposita se bona fide et sine dolo observaturos et monachis plegios dederunt Girardum Terrici filium Johannem Gersendi filium Robertum Pasturum et istis tribus dederunt Goiffedum et Goiffredum patruos suos plegios qui affidaverunt quod tres plegii propter hoc penam vel dampnum non sustinebunt patruis autem suis Hubertus Odo et sorores totum tenementum quod apud Sanctum Martinum habent in contraplegium miserunt presentibus ibidem Radulfo de Hugl[evilla] et Willelmo Piloc monachis Actum apud Mellentum anno incarnati Verbi MCLXXXV coram Echardo decano Pincesiensi Testibus Guidone de Obergevilla Alano de Fraisnes Willelmo de Sancto Nichasio presbiteris Johanne Parvo Johanne Imperatore Willelmo de Stablis Ricardo Lamberti Radulfo Sufflart Ricardo de Mellento Amalrico laicis et pluribus aliis clericis et laicis Hubertus etiam in manu decani affidavit quod quando filius et filie ejus ad etatem venerint pro posse suo faciet eos hoc ratum habere
Source (click image below to view full size)
