Charter Document - 06410134
| Charter Number: | 06410134 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1183 - 1185 |
| Date type: | Assigned |
| Resource Link(s): |
Archives départementales de Seine-Maritime - 9 H 27/8 eCartae - Actes des évêques d'Évreux |
Charter:
Johannes Dei gratia Ebroicensis episcopus et Durandus abbas Troarnensis omnibus ad quos presens carta pervenerit salutem in Domino Super causa nobis a domino Lucio tercio commissa que vertebatur inter monachos Gemmeticenses et Johannem de Cruceio presbiterum et G de Bofeigneio laicum et uxorem ejus super tercia parte decimarum Veteris Vernolii excepto feodo Montis Baldrici audienda et appellatione remota fine debito terminanda testes admisimus quorum attestationes ad cautelam perpetuitatis in memoriam facti legitimi sigillorum nostrorum munimine duximus roborandas Sunt autem hec Galterius de Buxeio presbiter juratus dixit se vidisse monachos Gemmeticenses pacifice percepisse totam decimam Veteris Vernolii per XL annosa ante motam controversiam et eo amplius Girardus presbiter de Puiseols idem dixit Garinus de Cepelaria Matheus de Puiseia et Girardus de Buisun Abelin laici idem dixerunt Ne igitur controversia canonice sopita malignitate cujusquam subdola de cetero suscitetur in memoriam facti perpetuam sigillorum nostrorum testimonia duximus apponenda
Source (click image below to view full size)
