Charter Document - 06410129

Hic tractatur de juribus nostris que percepimus in forestis regiis et que percipiuntur a nobis Noverint universi quod hec recognicio inter Amalricum comitem Ebroicensem et Robertum abbatem Gemmeticensem de consuetudinibus que sunt inter ipsum comitem et eumdem abbatem et homines eorum tempore Henrici regis Anglorum filii Mathildis imperatricis Ad natale Domini habet comes in singulis molendinis Ducleri xiii bucellos bladi ad bussellum molendini Et si molendinum ad brasium fuerit ibi iiii ruinas brasii Moltam mense sue habet quitam et branum canum suorum Et quicquid necesse fuerit ad opus omnium molendinorum quod inveniri poterit in foresta comitis extra haiam accipiet abbas vel famulus ejus per tradicionem famuli comitis per vallem Rubri Soillat et vallem Restoldi et si non habuerit famulum comitis sine tradicione potest accipere peignum plumat pelerium In granchia de Monte Ducleri habet comes lx garbas xx de siligine xx de ordeo et xx de avena et quatuor minas ordei ad festum sancti Michaelis et quatuor caseos in maio Et quicquid necesse fuerit ad opus granchie et domorum que sunt in clauso circa granchiam accipietur in foresta comitis extra haiam sive ad clausuram vel alia necessaria Ad pascha habet comes sex panes et sextarium et dimidium cervisie pro quo habet abbas quicquid necesse est ad carucas in ligno et ad pascha furcum unum per tradicionem et ad consuetudinem foreste ibit cadraga abbatis quociens voluerit Ad visionem foreste habet comes iiii panes et sextarium vini bis in anno In granchia de Spineto habet comes lx garbas xx de siligine xx de ordeo et xx de avena pro quo habet abbas quicquid opus est ad opus ejusdem granchie et domorum que sunt in clauso circa eamdem granchiam in foresta comitis extra haiam et unum fagum quando capere voluerit Homines de terra abbatis qui debent bernagium comitis habent clausuram suam in foresta comitis de husso et mortuo bosco et quod de fago poterunt de terra attingere Ad vindemias habet comes duo[s] sextarios vini in baco pro quo habet abbas unum fagum ad faciendum remos Ad festum sancti Petri habet comes duos arietes et xxiiii panes et ii sextarios vini et duos sextarios cervisie et famulus ejus intrabit in cellarium quousque liberationem suam habeat pro quo habet abbas xii fagos in dicta foresta Pro foresta de Malo Leporario habet comes xx panes et duos arietes et ii sextarios vini et duo[s] sextarios cervisie pro quo habet abbas ad domum suam de Nutrivilla quicquid opus est in clausura de consuetudine foreste et choucam unam quando voluerit Panagium suum habet comes quitum in foresta abbatis de porcis suis dominicis et servientium suorum de mensa sua similiter abbas et servientes ejus dominici in forestis comitis et in haiis omnibus ubi porci comitis ierint Antiqui porcarii comitis habent quit aciam in terra abbatis de hiis que pertinent ad usagium eorum ex[c]epto publico mercimonio Totum dominicum abbatis habet herbegagium suum quitum in forestis extra haiam et homines Nutriville possunt mittere equos suos ad pascua in foresta comitis in eundo et redeundo Gemmeticum sive Caudebec Si averia hominum abbatis caupta fuerint pro forisfacto foreste in terra abbatis ponentur in parco et extra non ducentur quamdiu abbas et homines ejus rectum facere voluerint et si abbas vel homines ejus rectum non fecerint potest ea comes ducere in parcum suum de Caudebec et ultra non ducet ea Portarius portus de Jumegiis debet pasare porcos domini regis quando dominus rex voluerit et ipse portarius aque debet habere unum porcum in pasnagio Trauctus sed dominus pasnagii capiet prius duos porcos et forestarius unum et portarius aque quartum porcum Molendinum sancti Petri de Caudebec debet habere unum fagum in plena foresta de Malo Leporario et furcos et branchias ad faciendum circulum molendini et dominus rex habet duos quarteros furmenti in illo molendino Portarius portus de Courval debet habere lx garbas in granchia de Gravenchon et unum porcum in pasnagio de Gravenchon