Charter Document - 06410124
| Charter Number: | 06410124 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1178 - 1190 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Vuillelmus Baiocensis ecclesie decanus et Ivo Rothomagensis ecclesie archidiaconus universis sancte matris ecclesie filiis in Domino salutem Noverit universitas vestra quod causam que vertebatur inter Robertum presbiterum fratrem Luce de Croismara et Willelmum presbiterum super ecclesia de Croismara nobis a romano pontifice delegatam amicabili compositione terminavimus Prefatus Robertus presbiter juri quod in prenominata ecclesia se habere asserebat in presencia nostra renunciavit et nos auctoritate qua fungebamur Willelmum presbiterum ab impeticione illius absoluimus Abbas vero Gemmeticensis ad quem jus patronatus predicte ecclesie pertinet pro bono pacis et concordie dabit Roberto presbitero filio Luce de Croismara nepoti sepe dicti Roberti presbiteri unum modium bladi valentis ordeum annuatim quoadusque jam dictus abbas assignet ei ecclesiam in qua honeste possit Deo deservire De modio autem isto nepos Roberto presbitero patruo suo satisfaciet et hoc se facturum fide corporaliter prestita firmavit Cum vero Roberto juniori ecclesia fuerit assignata ecclesia Gemmeticensis a solutione modii cessabit Si vero nepos ante patruum moriatur bladum patruo solvetur Et quoniam mora in multis negociis periculosa est abbas in assignatione ecclesie moram non faciet Presbiter vero ecclesiam cum ei oblata fuerit refutare non poterit Lucas vero de Croismara et Ludovicus frater ejus quod nichil de cetero in jure presentationis prefate ecclesie sibi vendicabunt tactis sacrosanctis evangeliis in presentia nostra juraverunt
Source (click image below to view full size)
