Charter Document - 06410115
| Charter Number: | 06410115 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1176 - 1178 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Ego Willelmus de Mara presentibus omnibus et futuris notam facio concordiam que facta est inter Robertum nepotem de Turovilla et Gislebertum de Eudonisvilla in assisia de Montfort coram justiciis regis me scilicet vicecomite Sancte Marie Ecclesie et Willelmo Maleth constabulario de Ponte Abdomari et Hugone de Creissi constabulario Rothomagi et Seherio de Quinci constabulario de Nonancort et Alvredo de Sancto [Martino] constabulario de Drincort et quibusdam aliis Robertus siquidem movebat calumpniam contra Gislebertum de hereditagio suo de Turovilla scilicet de hospite suo Willelmo Cave et de terra quam habet apud Maram de Becco et juxta domum Morini Planchun Sed quoniam in eadem assisia coram predictis justiciis recordatum est et recognitum hoc esse rectum hereditagium Gisleberti pro concordia et pace ab utrisque partibus definitum est ita Roberto et Gisleberto consentientibus et justiciis confirmantibus Gislebertus hominium fecit Roberto et singulis annis ad festum sancti Michaelis dabit ei duodecim denarios publice monete ut sit inter eos indicium et agmentum firmissime pacis nichilque amplius faciet ei Et ita hoc modo Gislebertus de ista querela finivit in assisia de Montfort in curia domini regis coram predictis justiciis ejus presentibus his testibus Rogerio cellarario Fulcheranno monacho Roberto Pychart Radulfo Maisnerio Rogero Filiolo Roberto Clarel Roberto de Leuga Roberto Belfit Hermano Anglico Matheo Marescal Hugone de Contevilla et aliis pluribus quo tempore Ricardus Wintoniensis episcopus in Normannia post regem judex erat et maior justicia
Source (click image below to view full size)
