Charter Document - 06410114
| Charter Number: | 06410114 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1174 - 1175 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Notum sit presentibus et futuris quod ego Ricardus de Vernone inspecta diligenter carta Hugonis de Vernone patrui mei et cognita veritate militum et burgensium et hominum meorum assensu heredum meorum concessi Deo et ecclesie Gemmeticensi in perpetuam elemosinam pro salute mea et animarum patris et matris mee et omnium antecessorum meorum libertatem quam predictus Hugo assensu Willelmi de Vernone patris mei scilicet fratris sui prefate ecclesie dederat et monachi ejusdem ecclesie usque ad tempus meum in pace possederant videlicet quod pro navibus vel baccis vinum monachorum deferentibus vel pro aliis quibuslibet rebus ad usagium ipsorum pertinentibus in eundo vel redeundo per terram seu per aquam nichil omnino consuetudinis mihi vel heredi meo seu cuilibet alii apud Vernonem seu in tota leucata predicti castri debent Et ut hec concessio firma et inconcussa in posterum permaneat eam sigilli mei munimine confirmavi Actum apud Vernonem anno incarnati Verbi millesimo centesimo septuagesimo quarto Testibus Rogero de Vernaio Willelmo de Archenceio Hugone de Vernone fratre meo et Ricardo de Osowilla clericis Radulfo Postel Matheo de Oriolo Radulfo Gislebert militibus Ricardo Blondo Mauricio de Blarru Gisleberto de Raniswalle servientibus et pluribus aliis
Source (click image below to view full size)
