Charter Document - 06410113
| Charter Number: | 06410113 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1174 - 1175 |
| Date type: | Internal, A.D. |
| Resource Link(s): |
Archives départementales de Seine-Maritime - 9 H 24/11 SCRIPTA - Base des actes normands médiévaux |
Charter:
In nomine sancte et individue Trinitatis amen Ludovicus Dei gratia Francorum rex Regie congruit benignitati non solum ecclesiis conferre benefitia verum etiam modis omnibus providere quod sua imperpetuum libere perfruantur sibi indulta ab aliis libertate Noverint itaque universi presentes et futuri quod abbas et monachi Gemmeticensis ecclesie hanc se ab antiquo habere asserebant libertatem quod de navibus vinum suum deferentibus aut de aliis rebus ad usus monachorum et ecclesie sue pertinentibus in eundo et redeundo nullam prorsus Medunte nobis aut alii debebant consuetudinem verum quoniam quidam ministeriales nostri super hoc dubitantes a predictis monachis et servientibus eorum quandoque pecuniam extorquebant Ut omnis inde tolleretur ambiguitas quinque de legitimis et antiquioribus burgensibus Medunte ex mandato nostro tactis sacrosanctis juraverunt quod predicti monachi pro navibus vinum eorum deferentibus aut pro rebus ad usus ipsorum et ecclesie sue pertinentibus nichil consuetudinis nobis aut alii Medunte debebant Nos igitur audito burgensium nostrorum testimonio predictam libertatem sicut ipsi juraverant benigne concessimus prohibentes quod pro navibus vinum monachorum deferentibus vel pro aliis quibuslibet rebus quas famulus eorum ad usus monachorum et ecclesie deputatas fide interposita monstrare poterit nichil a monachis vel famulis eorum exigatur neque ullam Medunte reddant consuetudinem tam in eundo quam redeundo immo ab omni consuetudine et exactione liberi transeant et redeant et immunes Pro hac igitur immunitate monachi et ecclesia reddent nobis annuatim unum sturgionem si poterit invenire et quando non poterit repperiri reddent nobis loco sturionis unum palefridum de centum solidis singulis annis excepto illo anno quo procurationem nostram capiemus apud Genesvillam Quod ut perpetue stabilitatis obtineat munimentum scribi et sigilli nostri auctoritate precepimus confirmari Actum Parisius anno ab incarnatione Domini MCLXX quarto astantibus in palatio nostro quorum supposita sunt nomina et signa S[ignum] comitis Theobaldi dapiferi nostri S[ignum] Mathei camerarii S[ignum] Guidonis buticularii S[ignum] Radulfi constabularii Vacante cancellaria
Source (click image below to view full size)
