Charter Document - 06410102
| Charter Number: | 06410102 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1170 - 1171 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
R Dei gratia Rothomagensis archiepiscopus presentibus et futuris salutem Noverint universi quod super ecclesia de Chilebue cujus patronatus ad monasterium Gemmeticense noscitur pertinere hujusmodi conventio facta est assensu abbatis et capituli inter ipsos et Radulfum clericum cui medietatem presbiteratus illius ecclesie concesserant quod Radufus singulis annis reddet monasterio Gemmeticensi decem libras et recipiet ab eo quoniam nondum presbiter erat ad excercitium scolarium lx solidos Andegavensium usque ad v annos et infra ordinati debet in sacerdotium ad serviendum eidem ecclesie Ab anno Verbi incarnati MCLXX usque ad quinque annos [et in] sequentes habebit illos lx solidos simul in festo sancti Remigii apud Turovillam in censu abbatis finito v anno absolutus erit abbas et monasterium ab hac pactione sive ordinatus fuerit sive non et ipse et ante et post dum vixerit ecclesiam habens reddet decem libras et dum absens fuerit vicarius ejus persolvet predictas decem libras quatuor terminis in pascha l solidos in natale apostolorum Petri et Pauli l solidos in festo omnium sanctorum l solidos in purificatione beate Marie l solidos Ut vero hoc firmum teneatur presenti scripto et sigilli nostri munimine confirmamus
Source (click image below to view full size)
