Charter Document - 06400100
| Charter Number: | 06400100 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1169 - 1170 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 24/6 |
Charter:
In nomine sancte et individue Trinitatis amen Ego Ludovicus Dei gratia Francorum rex Quoniam ea que in presentia nostra facta sunt ulla temporum antiquitate seu malignantium incursu debilitari vel cassari non expedit inde est quod notum fieri volumus universis tam presentibus quam futuris quod controversia que diu ventilata est inter monachos Gemmeticenses et Hugonem Brostin hoc modo sopita est et anullata quod predictus Hugo quicquid juris se asserebat habere in foresta de Genesvilla et in terra culta et inculta assentientibus heredibus suis Gemmeticensibus monachis penitus reliquit et quietum clamavit secundum quod mete posite fuerunt ad juramentum tringinta hominum et in presentia Renoldi de Bellomonte prepositi nostri qui ibi ex parte nostra affuit et Petri abbatis Gemmeticensis et predicti Hugonis et filii sui Willelmi et Roberti de Maldestor et Herberti de Maigni et Theobaldi filii sui Ut autem Hugo et heredes sui huic compositioni preberent assensum idem Hugo et heredes sui habuerunt a monachis triginta et sex libras Parisiensis monete Et ut hoc ratum fieret sigillo nostro muniri precepimus et firmari subter inscripto nominis nostri karactere salvo jure alieno Actum publice Parisius anno incarnati Verbi MCLXIX astantibus in palatio nostro quorum subscripta sunt nomina et signa S[ignum] comitis Theobaldi dapiferi nostri S[ignum] Mathei camerarii S[ignum] Guidonis buticularii S[ignum] Radulfi constabularii Datum per manum Hugonis cancellarii