Charter Document - 06400074
| Charter Number: | 06400074 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1153 - 1154 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 29/10 |
Charter:
In nomine Domini nostri Jesu Christi Ego Hugo vicecomes de Medanta concedo sancto Petro de Gemmetico ut dumi qui remanserunt de quadraginta arpenta et qui sunt infra viginti arpenta justa viam de Vetuleo pro nostra et parentum nostrorum animabus exstirpentur et excolantur quas dono regis Ludovici prius acceperunt sed propter me id facere non ausi fuerunt et quia ad honorem meum hereditarium pertinet ut nichil tale sine mea permissione in eo fiat Confirmo hanc concessionem cum Willelmo et Tiwino filiis meis ut nemo deinceps eam infringere audeat et ideo maxime quia de proprio alodo sancti Petri est qua re pocius redditio quam donatio vocari debet Horum testes sunt ex parte mea prepositus regis de Medanta scilicet Lamber Walegrin Yvo de Calceio Maiun et Willelmus Ver ex parte monachorum Walterus de Genevilla Guerri de Semevilla Guarnerius Palmer Herbertus de Vetuleo Odo Peine Ysis et ceteris Acta est hec concessio anno ab incarnatione Domini MCLIII
Source (click image below to view full size)
