Charter Document - 06400073
| Charter Number: | 06400073 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1152 - 1153 |
| Date type: | Internal, A.D., Regnal |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 24/5 |
Charter:
In nomine sancte et individue Trinitatis amen Ludovicus Dei gratia rex Francorum et dux Aquitanorum omnibus fidelibus in perpetuum Nostram decet magnificentiam ut quod antecessores nostri contulerunt ecclesiis concedamus et eorum exemplo provocati servis Dei novas largitiones faciamus Proinde notum sit omnibus et futuris et presentibus quod pater meus bone memorie rex Ludovicus pro anime sue redemptione dedit monachis ecclesie Gemeticensis xl arpenta de nemore de Morlu Patris nostri donum ratum habentes concessimus ecclesie ut dumi qui remanserunt exstirpentur et excolantur et quod ultra metas paterne largitionis occupaverant rustici xx videlicet arpenta in bosco et plano juxta viam de Vetulio pro nostra et parentum nostrorum regum Francie animabus prefatis fratribus in perpetuum concessimus et donavimus Ut autem firmum sit et inconvulsum ne quis calumpniari vel gravare possit ecclesiam auctoritate sigilli nostri firmare precepimus Actum publice Parisius anno dominice incarnationis MCLII regni nostri xvi S[ignum] Guidonis buticularii S[ignum] Mathie constabularii S[ignum] Mathie camerarii S[ignum] Terrici Galerant S[ignum] Ade camerarii S[ignum] Renoldi de Bellomonte S[ignum] Roberti de Pensiaco S[ignum] Richardi monachi anglici S[ignum] Willelmi filii Ulrici Beraldus de Bus Data per manum Hugonis cancellarii
Source (click image below to view full size)
