Charter Document - 06400066
| Charter Number: | 06400066 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Restitution |
| Date: | 1140 - 1144 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Notum volo fieri omnibus tam presentibus quam futuris quod ego Gaufridus reddo et concedo ecclesiam de Hotot cum decimis omnibus et rebus aliis ad eam pertinentibus Deo et sancto Petro et monachis Gemmeticensibus possidendam sine omni inquietudine sicut ego et pater meus Osbernus tenuimus et hoc pro salute et incolumitate mea et pro salute et remedio anime ipsius Et ut presens donatio vel redditio firma maneat dabuntur michi a monachis singulis quattuor modii annone nostre patrie duo vero scilicet ex hordeo et siligine alii autem ex avena Sed ob gratiam eorum dominorum habendam unum modium avene eis condo[na]vi usque ad decem annos Ut autem [hoc] strictius et securius teneatur datus [est] michi equus Alvredi famuli Gisleberti de Mara ab abbate et ab ejusdem monachis Ego autem jure jura[n]do coram omnibus fratribus illis manu posita super evangelia concessa promisi tenere et contra omnes defendere
Source (click image below to view full size)
