Charter Document - 06400053
| Charter Number: | 06400053 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1109 - 1110 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 31/8 Archives départementales de Seine-Maritime - 9 H 31/4 |
Charter:
Anno ab incarnatione Domini MM centesimo nono conventionem recuperationis Gauville factam ego Ursus abbas Gemmeticensis ad firmitatem posterorum notam fieri volo Monachi Gemmeticenses emerunt in Gauvilla tantum terre quantum quatuor boves arare possunt in tribus temporibus anni a quodam milite nomine Fulcone simulque ecclesiam cum decimis suis annuente et confirmante Gisleb[erto] seniore de cujus ditione prefate res sunt Defunc[to autem] Fulcone Gaurinus heres ejus effectus abstulit nobis quicquid in villa illa habuimus Post hec Gislebertus filius et heres Gaurini casu vulneratus eternam damnationem timens pro violentia rerum nostrarum a patre suo facta ad misericordiam sancti Petri confugit injuste ablata reddidit et habitum monachilem expetiit et accepit Post hec vero malis pejores succedentes fratres ipsius Gisleberti eadem retraxerunt multis precibus et placitis intervenientibus et pro discordia et permutatione bellorum ad effectum non pervenientibus Pace vero redeunte hoc predicto termino frequentibus clamoribus monachorum Gillebertus junior permotus possessores predictarum rerum compulit ad justiciam et causis utrinque dictis et examinatis res nostre nobis adjudicate sunt Unde de predictis rebus ecclesiam cum decimis et duo arpenta juxta ecclesiam nobis reddiderunt Hec facta sunt apud Teulerias judicante et confirmante Gisleberto et veneranda matre ejus Hersinte que hujus rei emptioni et recuperationi affuit et militibus ejus Signum Gisleberti Crispini Signum uxoris ejus Signum matris sue Hersinde Signum Guillelmi Curtellis Signum Guarini [filii] []rdi Isti concesserunt Richerius et frater ejus Gausfridus Ex parte monachorum [Gaus]fridus []rdus Corp Godefridus filius Viviani Hugo et Gausfri[dus] []dus frater presbiteri []tus nepos Alberge Go[] [fili]us Heriberti G[] []obertus filius
Source (click image below to view full size)
