Charter Document - 06400044
| Charter Number: | 06400044 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1024 - 1031 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Humane menti proficuum valde decernitur curiose perscrutacionis indagine et pure mentis ardore tendenti ad summe felicitatis habitaculum quodammodo aliquod exquirere presidium dum persistit in mundane volubilitatis turbine quo totius in interioris hominis divorcio queat progredi ad optatum perpetue beatitudinis gaudium denique flagrans quid superna dispensatione profuturum sibi parari solacium quando quidem cernit se labentis seculi involutum illecebris necessarium sibi creditur toto cordis affectu sanctarum precum aliquo modo petere subsidium et obnixe obedire Deo formulantibus quorum jugi solamine possit dissolvere suorum nefandas congeries peccaminum Igitur hec animo revolvens Ego Drogo superni regis nutu comes pro mee anime sublevacione necnon et mei patris atque matris simul et mei avi Walterii navigerum aditum atque transversum Pontigeris et Medancie perpetualiter concedo et trado sancto Petro in Gemmetico ad utilitatem fratrum inibi degencium jugibusque oracionibus insistentium ut sine ulla tributaria solucione precii habeant tranquillam et quietam libertatem eundi et redeundi atque deferendi que sunt sibi necessaria Constat hec facta donacio tempore Roberti regis Francorum Rikardo comite viriliter regnum gubernante Normannorum Denique si quis veneno invidie tumens huic donacioni contrarius esse presumpserit atque aliquam molestiam inferre temptaverit perpetue damnacioni deditus dampnandus existat in extremo examine venturi judicis [] Signum + Drogonis comitis Si+gnum Walterii comitis filii Drogonis Signum Vuarini + Buronus Signum Milo+[nis] orfani Signum Wa+rimboldi prepositi
Source (click image below to view full size)
