Charter Document - 06400037
| Charter Number: | 06400037 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1088 |
| Date type: | Internal, Calendar, Event |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 1739/1 |
Charter:
In nomine sancte et individue trinitatis anno ipso quo gloriosissimus atque reverentissimus Deoque amabilis Guilelmus rex Anglorum comesque Nortmannie de ista vita nequam assumptus est et ut credimus celestem patriam consecutus est iii kalendas aprilis Ego Radulfus filius Anseredi stultum et vanum prospiciens et ad utilitatem meam minus proficiens quod egomet adhuc in ista vita subsistens et potestatem mei habens ut aliis precipiam post mortem meam dare quod vivens melius et utilius pro me possum tribuere dedimus ego et uxor mea sancte Marie et sancto Petro Gimegiensis monachisque ibi servientibus alodium quod jure hereditario in villa que vocatur Belnaicus habebam omne sicuti trans ripam citraque ripam fluminis illius ville contra Reinaldum filium Rainerii et Bernardum partior Quod alodium uxori mee in dote dedi eam accipiens dedi etiam decimam Ansleville pro anima mea uxorisque mee et pro animabus dominorum meorum ad quod he res pertinebant concedente et libenti animo donante domino meo Radulfo filio Rogeri Mortemaris ad quem he res pertinebant omne quod in his rebus habebat accipiente ipso die propter istam donationem fraternitatem atque societatem illius loci et quindecim libras Rotomagensium recipiente ab ipsis monachis illius loci Et hoc quod ad istud alodium pertinet quod adjacet in Ulfranvilla et in Bernivoldivilla et hoc quod in duobus molendinis illius ville scilicet Belnaici habebam quod ad istud alodium non pertinebat concedimus ut perpetualiter ecclesia Gemmeticensis possideat scilicet in terris et in silvis et in aquis etiam et in ecclesia et in vineis post mortem Radulfi uxorisque ejus in dominio Et qui de dominio abstulerit anathema sit Signum Radulfi filii Rogeri Mortemaris Signum Mabilie uxoris ejus Signum Radulfi filii Anseredi Signum uxoris ejus Signum Rogeri Sancti Laurentii militis Radulfi filii Rogeri Signum Gisleberti Vuarenne Signum Ricardi filii Richerii de Aquila Signum Vuidonis Carcois de Arenis Signum Vualteri de Vuesneval Signum Hugonis Signum Bernardi Bellenaci Willelmi archiepiscopi Rotomagensis Petrus Vassumville famulus Radulfi Mortemaris saisivit monachos Gemmeticences de eodem alodio jussu ejusdem Radulfi videntibus et audientibus hominibus illius ville vidente etiam et audiente Hello homine ejusdem ecclesie Sancti Petri Gemmeticensis Et Guarinus telonarius ejusdem Radulfi recepit easdem quindecim libras Rotomagensium jussu ejusdem Radulfi in villa que dicitur Sancti Victoris et Fulco mercator muneravit Signum Rotberti comitis Normannie Signum Henrici comitis fratris ejus Signum Vuillelmi comitis Ebroicensis Isti sunt testes ex parte Rodulfi filii Anseredi Normannus Peignardus Rotbertus Vumaisnerii Turstenus filius Helevuise Petrus armiger ejusdem Radulfi Ex parte monachorum Rotbertus filius Dut Salomon de Haretelvilla Radulfus marescallus Herveus filius Ricardi Oseii Durandus cellararius Gilbertus Coquulus Radulfus Vastangranum Herbertus Malei Johannes Grossus Robertusque presbiter et alii multi Rogerius prior ejusdem loci et Rotbertus filius Dodonis Rodulfusque Montisdurclari cum eo receperunt istam saisitionem et inde habuerunt decem et septem denarios Signum Engelrani filio Hilberti Vuillelmi cubicularii Signum Ricardi Bustelli Signum Engelranni capellani Signum Johannis militis Signum Constantini militis Benedicti archidiaconi Fulberti archidiaconi Ursonis archidiaconi
Source (click image below to view full size)
