Charter Document - 06400028

Bonis ac piis operibus dum vacat vigilanter insudare ac majorum vestigia non excedere hortatur tam juri sapientis proverbium quam etiam apostoli oraculum Ne transgrediaris inquit Salomon terminos antiquos quos constituerunt patres tui Itemque apostolus dum tempus inquit habemus operemur bonum ad omnes maxime autem ad domesticos fidei Unde ego Petrus Parisiacensis miles labentia despiciens et mansura gaudia adipisci cupiens innotesco omnibus Christicolis quod pater meus Ansoldus nomine quamdam vicariam habebat in quadam possessione Sancti Petri Gemmeticensis cenobii que sita est infra terminos cujusdam predii quod vocatur Columare necnon et in aliis ruris adjacentibus ipsi possessiuncule respicientem ad jam prefatum predium videlicet Columare Verum idem meus genitor scilicet Ansoldus cupiens transitoriis rebus eterna premia comparare Deo sanctoque Petro Gemmeticensis cenobii predictam vicariam eo tenore dimisit quatinus per succedentium temporum curricula in cenobio Gemmetico constitueretur quidam specialiter frater qui pro eo cotidie precum vota Domino pie persolveret At vero pie memorie genitor meus cum vita excessisset ac ejus existerem heres ceperunt domestici nostri inquietare rem sancti Petri quam pater meus dono Deo ac sanctis tradiderat Quapropter compulsus est vir religiosus domnus ejusdem cenobii abbas nomine Rotbertus ad meam humilitatem dirigere poscens quatinus elemosinam patris mei non violarem aut auferrem Unde gratanter mihi obtulerunt pro hac re iiii libras denariorum simulque equum unum ut videlicet donum patris mei corroborarem Qui hec munuscula ab eis accipiens cum ipsa vicaria ex benefitio regis esset spopondi me regem supplicaturum quatinus elemosina patris mei ac mea rata fieret quod et feci Igitur tam ego quam mea uxor necnon et filius Gausfredus cognomine Ansoldus damus cenobio Sancti Petri Gemmeticensis cenobii vicariam possessionis Sancti Petri que sita est infra terminos predii quod dicitur Columare necnon etiam omnium quicquid ad illam possessiunculam pertinent et que post obitum patris mei ibi domestici nostri ad[]bant sicut genitor meus pridem dimisit ita ego quoque nec[non ux]or mea et heredes mei ab hodie dimittimus it[a du]ntaxat ut pactio quam fratres predicti cenobii patri meo statuerunt mihi quoque et heredibus meis concedendo statuant videlicet fratrem in eodem cenobio delegantes qui pro nobis Deum cotidie exoret Ut ergo per succedentia secula hoc donum inconvulsum maneat manu propria firmavi ac uxori mee ac filio supranominato coram infrascriptis testibus firmandum tradidi Si quis vero ex successoribus meis aut aliquis quod absit infringere vel injuste auferre ecclesie Sancti Petri Gemmeticensis quod non fore credo temptaverit in primis iram Dei omnipotentis incurrat et sequestratus a consortio sanctorum sit anathema maranatha cum Dathan et Abiron necnon etiam cum diabolo et angelis ejus deputatus eterni ignis incendio Actum anno dominice incarnationis MLXVIIII regnante Phylippo rege anno xi Signum Petri Signum Gausfridi filii ejus Signum Drogonis Signum Odardi Signum Burdini Signum Rotberti Signum Fulconis Signum Durandi Signum Josceranni Signum Gisleberti Signum Guncelini Signum Ursonis Signum Rogerii Signum Teudoini Vualterius de Pisciaco Vuarinus de Marvilla Godefredus de Marvilla Ulricus de Senanto Goisbertus filius Achardi Stephanus presbiter Osbernus Hotot Hubertus de Ansgervuilla Rogerius filius ejus