Charter Document - 06400021
| Charter Number: | 06400021 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1040 |
| Date type: | Assigned |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 1747/1 |
Charter:
Si Deus pater ut scriptum est ea caritate nos dilexit ut unigenito suo non pepercisset set pro nobis illum tradidisset quid nostrum est econtra retribuere Deo nostro nisi quod dulcius quod melius quodque carius habemus Hoc pater noster Abraham fecit dum Ysaac unigenitum suum Deo ante legem immolaret Hoc sancti martyres sub gratia non solum propria pro Christo erogaverunt set etiam sanguinem illi refuderunt Quorum vestigia ego Radulfus cognomine Havoth cum uxore mea pro modulo meo secutus Jhesu Christo domino nostro filium meum obtuli sancteque sue ecclesie Gemmeticensi ut monachus sit sancti Petri qui illius cenobii princeps est et patronus Dedi etiam sancto Petro Gemmeticensi apud villam que vocatur Hugonis Silva centum jugera minus x et quicquid decimarum predicte ville ego possederam in dotem filii mei et in honorem sancti Petri Gemmeticensis domino meo Hugone Gurnacensi et filio ejus Girardo et uxore ejus Basilia annuentibus et volentibus et laudantibus quorum hec sunt signa Signum Hugonis Gornaiensis Signum Basilie uxoris ejus Signum Radulfi Havot Ego vero Athelinus Gornaiensis ecclesie tesaurarius confirmo et hoc signo
Source (click image below to view full size)
