Charter Document - 06400020
| Charter Number: | 06400020 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1035 - 1043 |
| Date type: | Assigned |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 30/2 |
Charter:
In nomine sancte et individue trinitatis Vuillelmus Ricardi Magni Ducis Normannorum filius nutu superni regis comes territorii quod Talohu nuncupatur vitam et sanitatem cunctis fidelibus Sacre scripture que nobis ad celeste regnum de quo per prothoplasti inobedientiam male decidimus remeandi semitam demonstrat dictis instruimur quatinus dum has vitales auras carpimus bonis operibus insistere curemus ibi quoque thesauros nostros reponere ammonemur ubi eruginis aut tinee corruptionem sive demolitionem sentire nequeant Quod tunc utique fit cum ecclesias Dei ex bonis nobis ab ipso collatis devoto corde honoramus aut inopum pauperiem reficimus Hoc ego cogitatione sedula revolvens disponente Deo aliquod ex mei juris beneficio sancto Petro servisque ejus supplementum largiri cupio ob hoc maxime ut Dei misericordiam pro nobis atque pro nostris semper implorent Est igitur michi quedam silva supra Sequane fluvium que rustice Brotunh vocatur Hujus silve quandam partem trado et concedo Deo ac sancto Petro monachisque illius in Gemmetico monasterio sicut infra demonstrabitur primum videlicet pro comitis nostris Vuillelmi salute deinde pro anime patris mei Ricardi comitis ac matris mee redemptione simul et pro domni Hugonis Baiocassine urbis episcopi quo tribuente illam silvam possideo salvatione pro anime quoque patris illius ac matris requie pro me nichilominus et pro conjugis mee incolumitate ut habeant teneant ac perpetualiter quietam liberamque possideant Hec autem mea donatio sumit initium a via que descendit supra do[mum Bernardi quam] dicunt De La Vacheria et inde ducitur per verticem montis usque ad campos [quo]s vo[cant vul]go Huyas Pro quo etiam dono ut firmius stabiliat[ur recepi] ab abbate ipsius loci nomine Rotberto sive a monachis ipsorum denique rogatu pretium lx librarum ne quis malignitate diabolica infectus huic nostre donationi umquam contradicere vel obsistere audeat Ceterum si furiosus quisquam et diabolice [per]versitatis veneno tumens hoc donum quocumque modo infringere presumpserit primum Dei omnipotentis iram incurrat et sic a sanctorum omnium societate exclusus eternalibus incendiis eternaliter urendus si nisi resipuerit tradatur Et ut hec cuncta perpetuum firma permaneant propria manu subter firmavi dominoque meo comiti atque fidelibus meis firmanda tradidi Signum Malgerii arciepiscopi Signum Vullelmi comitis Northmannorum Signum Vuillelmi magistri comitis Signum Nigelli vicecomitis Signum Tursteni vicecomitis Signum Rodberti clerici Signum Willelmi Arcacensis comitis Signum Godefredi vicecomitis Signum Rodgerii filii Rodulfi Signum Vuimundi Signum Aldulfi Bracce Signum Norman[ni B]erle Signum Lanberti filii Ricardi Signum Rodulfi Taxonis [Si]gnum Rogerii de Sconchis Signum Osberni
Source (click image below to view full size)
