Charter Document - 06400013
| Charter Number: | 06400013 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Restitution |
| Date: | 1027 - 1035 |
| Date type: | Assigned |
| Resource Link(s): |
Archives départementales de Seine-Maritime - 9 H 30/1 TELMA - Traitement électronique des manuscrits et des archives SCRIPTA - Base des actes normands médiévaux |
Charter:
Monarchiam regni Normannorum auxiliatrice Christi clementia viriliter magno duce Richardo moderante non modo pace seculares rerum etiam gloria et rerum temporalium incremento sublimabatur Dei ecclesia Eo denique [ce]lestia ut credimus scandente regna principatum ejusdem nominis Richardus filius illius obtinuit Sed cita morte preventus jure hereditario fratri suo Rodberto eundem reliquit qui perversorum consiliis illectus non eo amore quo pater suus ecclesiam Dei cepit colere Quod profecto ego Rodgerus cernens et omnium malefactorum malitiam excedens contra Deum instigante diabolo memetipsum erex[] [Sanc]ti Petri Gemmeticensis innumera mala ingerere cepi vi illius bona auferendo Nempe inter cetera que illi intuli [forum] quod erat in Vivo Monasterio destruens in Montegomeri meum statui Quod postea isdem comes tactus Dei pietate et penitens transactorum malorum operum delevit et in priori loco restituit Eo ut dictum est amisso sciens me nullo pacto illud posse recuperare nisi per monachorum consensum eos supplex adii et multis precibus vix obtinere valui ut eorum foro nullum dampnum patiente michi liceret in meo supradicto vico aliud extruere tali siquidem conventione ut usque ad tres annos in uno quoque anno illorum quem nunc habent censum crescerem una libra denariorum Istudque trium librarum augmentum super eorum censum permanens erit in seculum De quadam quoque silva et de medietate unius ferie calumniabantur me que omnia pro harum conventionum amore illis relinquo Similiter et de unius molendini exclusa quam non quero nisi per eorum gratiam Porro si ipsorum supradictum forum visum fuerit aliquid detrimenti pati propter meum quod nunc exstruo nisi infra dies XL post eorum ammonitionem emendare studuero conventione deleta et me perdente revertatur forum ad monachos Que res ut firma sit jurare sacramentum meisque heredibus feci eandemque rem comes Rodbertus hac confirmatione subter firmavit Ceterum si quis ex meis posteris auctore diabolo et avaritie facibus accensus hanc conventionem quocumque modo corrumpere presumpserit sub Patris et Filii et Spiritus Sancti maneat anathemate et ab omnibus sanctis Dei reprobatus et condemnatus de libro vite deleatur et cum illis inscribatur qui diris vocibus adclamabant Crucifigatur diabolo traditus eternalibus incendiis eternaliter urendus Amen Signum Rogerii hujus conventionis sponsor Signum Hugonis filii ejus Signum Sasvuali Signum Hisoy Signum Herminonis Signum Willelmi Pantuli
Source (click image below to view full size)
