Charter Document - 06400010
| Charter Number: | 06400010 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1024 |
| Date type: | Internal, Feast, Regnal |
| Resource Link(s): |
SCRIPTA - Base des actes normands médiévaux |
Charter:
Principi eternitatis Domino nostro Jesu Christo cui soli cum Patre et Spiritu Sancto singularis est eternitas omnipotentia et incommutabilitas sit laus perennis gloria qui commutat temporum tempora et seculorum disponit medicamina solus vivit et regnat virtute deifica Ego Leduinus abbas quamvis indignus cenobii pretiosi confessoris Christi Vedasti cui Deo auctore deservio meam et communis sortis caducam cognoscens conditionem quoniam perpetuitate levatur quod non immortalitate ditatur primum duxi tam pro testimonio presentium quam pro notitia futurorum scriptum fieri de quibusdam rebus predicti patris Vedasti nostris temporibus commutatis rursumque reemptis Nota res est et penes nos scripto retinetur cum ceteris donationibus a Francorum regibus beato Vedasto collatis villam que vocatur Anglicurt que est in Belvacensi episcopio antiquitate esse hereditariam cum familia Sancto Vedasto Sed nostro tempore dico anno Incarnationis summi et veri Pontificis Jesu Christi millesimo quadragesimo quarto per Gerardum Cameracensem et Atrebatensem episcopum quesitum est querendo atque retractando alterutrum sic peractum est ut nos consilio seniorum et vicinorum necnon nostrorum fratrum cellam que dicitur Haspra a comite Richardo et Theoderico abbate Gemeticensis cenobii dono acciperemus quia vicinior nobis erat ipsi quoque Anglicurt cellulam viciniorem sibi nostra donatione possiderent Testes hujus rei fuerunt Richardous comes qui donationem [] Robertus archiepiscopus frater ejus Richardus filius Richardi Robertus frater ejus Warinus Belvacorum presul nostre congregationis frater Actum Rodomis mense Januario in octava epiphanie indictione sexta regnante serenissimo rege Francorum Roberto anno imperii sui XXVIII
Source (click image below to view full size)
