Charter Document - 06400002

Pipinus gratia proveniente divine majestatis Aquitanorum rex Si enim res Deo sanctisque ejus devotas quas jamdudum nobis ingruentibus hinc inde casibus et necessitatibus compellentibus ab ecclesiis Christi subtraximus nostrisque solacii gratia contra fas contulimus nunc hinc ob indulgentiam divine repropitiationis et genitoris nostri Hludovici serenissimi Augusti debitam ammonitionem ad pristinam rectitudinis norman reducere omnimodis satagimus Deum no bis ob id angelosque ejus immo et intercessiones eorumdem sanctorum anime ad gloriam regnique a Deo nobis commissi ad diuturnam stabilitatem propitiari minime dubitamus Quo circa notum sit omnibus fidelibus sancte Dei ecclesie et nostris presentibus scilicet et futuris ecclesie sancti Petri Gemmeticensis monasterii cui Deo auctore Heribertus abbas preesse videtur sicut et aliis quibusdam regno nostro quandam partem suarum substantiarum habentibus necessitate sicut superius illatum est interveniente aliisque emergentibus causis nos redditus subtraxisse ita ut ob hujuscemodi causam nec clerus a rectore ibidem ut decebat gubernari nec juxta instituta dominica hospitalitas exerceri posset summa devotione eidem monasterio omnes res a nobis sibi abstractas hoc est in comitatu Toarcinse villam Tordiniaco et in comitatu Andegavino manentes vi cum omni integritate per nostre auctoritatis preceptum plenissime in omnibus restaurare libuit celsitudini nostre quatenus et Dei auxilio ubique protege remur et ammonitio magni cesaris nostri equidem genitoris Hludovici adimpleretur necnon et omnium fidelium nostrorum exhortatio in hoc decentissime laudaretur Proinde per hoc nostre auctoritatis scriptum decerni mus immo et regali preceptione jubemus ut nullus fidelium nostrorum de rebus suprascriptis aut ex aliquibus ejusdem ecclesie deinceps aliquam subtractionem aut aliquod impedimentum rectoribus illius facere presumat si res proprias aut sibi ab aliis largitas in regno nostro successoresque sibi sue prolis habere desiderat sed liceat eisdem rectoribus per hoc nostre recognitionis immo correctionis mandatum easdem res cum omni integritate quiete pacificeque possidere et secundum offitium suum eas ad cultum et servitium divinum amministrare nostro obsequio sicut moris progenitorum nostrorum fuit debitum solacium exhibere Et ut hec auctoritas a fidelibus sancte Dei ecclesie et nostris verius credatur et diligentius observetur manu propria subter firmavimus et anulo nostro sigillari jussimus Isaac diaconus advicem Hermoldi recognovit et s[ubscripsit] Data viiii kalendas mai indictione i anno xxiiii imperii Ludovici serenissimi Augusti et regni nostri xxiii Actum in Caseno In Dei nomine feliciter Amen