Charter Document - 06400001
| Charter Number: | 06400001 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0825 |
| Date type: | Assigned |
| Resource Link(s): |
|
Charter:
Omnibus episcopis abbatibus [] Notum sit quia vir venerabilis Adam abbas ex monasterio Gemetico detulit nobis preceptum domini et genitoris nostri bone memorie Karoli serenissimi Augusti in quo erat insertum eo quod ipse et avus noster Pipinus quondam rex seu et predecessores eorum reges videlicet Francorum per eorum auctoritates concessissent eidem monasterio vel monachis ibidem Deo deservientibus omne teloneum tam de navibus quam et de carris seu de ceteris vehiculis necnon et de quolibet alio negotio undecumque fiscus teloneum exigere poterat et per easdem auctoritates hactenus prefatum teloneum rectores ipsius monasterii et monachi ibidem Deo servientes ad integrum habuissent concessum Sed pro firmitatis studio postulavit nobis idem abbas ut hujusmodi beneficium circa ipsum monasterium conferre per censeremus Cujus precibus ob amorem Dei et anime nostre salutem nobis usquequaque parere libuit et hoc nostre auctoritatis preceptum eidem monasterio fieri jussimus per quod jubemus ac precipimus ut naves vel carra seu qualibet alia vehicula ad diversa negotia ipsius monasterii peragenda et necessitates ipsius monasterii sublevandas per universum imperium nostrum libere discurrant et nullus judex publicus vel quilibet exactor judiciarie potestatis aut telonearius de ipsis navibus et de omnibus que supra memorata sunt undecumque videlicet fiscus teloneum exigere potest ullum teloneum accipere vel exactare presumat et ad quascumque civitates castella aut portus vel cetera loca ipse naves vel homines eas providentes vel ceteri negotiatores ipsius monasterii necessitates previdentes accessum habuerint ullum teloneum []
Source (click image below to view full size)
