Charter Document - 06390464
| Charter Number: | 06390464 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Renunciation |
| Date: | 1120 - 1123 |
| Date type: | Assigned |
| Resource Link(s): |
|
Charter:
In Nomine Patris et Filii et Spiritus Sancti Ego Hugo dux Burgundie donum quoddam quod sancto Benigno Divionensi feci presentibus et futuris manifesto Ministrales siquidem mei homines de Prunedo propter usuarium quod ipsi in confinio potestatis Pasche proclamabant creberrime inquietare solebant Unde cum super hoc frequenter a monachis interpellatus essem et audire dissimulassem tandem Deo inspirante et multis cujusdam monachi nomine Eudonis tunc cellerarii pulsatus precibus assensi et pro salute et incolumitate mea uxorisque mee Mathildis et omnium infantum meorum nec non et pro remedio anime patris ac matris mee omniumque parentum et antecessorum meorum dedi et concessi per manum supradicti monachi Eudonis Deo sanctoque Benigno et omnibus hominibus de Prunedo plenarium cursum et omne usuarium in omnibus silvis de confinio et potestate Pasche in pascuis quoque omnibus et in aquis aquarumque decursibus Hoc itaque donum sicut feci volo ut inconvulsum maneat et ne quis ministralium meorum monachos vel aliquem hominem de Prunedo super his amplius inquietare presumat precipio Testes Symon de Virziacho Raynaldus de Grantiaco Evinus de Aceps Carpinus Hugo de Hisio Simon prepositus de Lentennaco et de Pascha Ansierius de Plunbariis