Charter Document - 06390447
| Charter Number: | 06390447 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1114 |
| Date type: | Internal, A.D. |
| Resource Link(s): |
TELMA - Traitement électronique des manuscrits et des archives |
Charter:
In Nomine Patris et Filii et Spiritus San[cti] Ego Wilelmus Dei gratia Bisontinus archiepiscopus elemosi[nam] quam feci sancto Benigno Divionensis ecclesie patrono notifico presentibus et futuris Ego itaque rogat[us] a [domn]o Jozceranno Linguonensi episcopo et a domno Wilenco decano Linguonensi et a domno Ademaro abbate Divionensi ut quasdam ecclesias quas Divionensis ecclesia in Bisontina diocesi adquisiverat sigillo meo confirmarem preces eorum non audire non potui tum pro instanti tantorum virorum peticione tum etiam pro antiqua Bisontine et Divionensis ecclesie dilectione Itaque pro remedio anime mee et omnium predecessorum meorum archiepiscoporum et canonicorum Bisontinorum concedo et confirmo Divionensi ecclesie Ademaro abbati et successoribus ejus monachis Divionensibus presentibus et futuris ecclesias has videlicet ecclesiam de Sancto Marcello et de Duellari Villari et de Cymbiniaco et de Yschinou et de Sancto Benigno in Bosco et de Fraxino et de Sarchophagis et de Tavels et de Chalcins salvis paratis et canonicis justiciis quas in eisdem ecclesiis Bisontina ecclesia noscitur habere Has ecclesias seu capellas quas jam ecclesia Divionensis in nostro archiepiscopatu adquisivit et in futurum canonice adquirere poterit eidem Divionensi ecclesie in perpetuum confirmamus et sigilli nostri impressione signamus Hujus rei testes sunt ego Wilelmus archiepiscopus Maynerius decanus Stephanus archidiaconus Albricus canonicus Sancte Marie Magdalene Jozcerannus episcopus Linguonensis Wilencus decanus Ayrardus archidiaconus Paganus decanus Benzo Petrus et Gibuinus canoni[ci] Linguonenses Actum Bisontii anno dominice incarnationis MCXIIII indictione septima pontificatus domni Paschalis II pape Ego Hugo ad vicem Bernardi cancellarii scripsi VII idus augusti