Charter Document - 06390438
| Charter Number: | 06390438 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1113 - 1119 |
| Date type: | Assigned |
| Resource Link(s): |
|
Charter:
In Nomine Summi Dei Ego Hugo Burgundie Dux quandam elemosinam quam facio Deo sanctoque Benigno tam pro me ipso et conjuge mea et liberis meis necnon antecessoribus meis notifico presentibus atque futuris Quidam vir nobilis Stephanus nunccupatus in Divionensi ecclesia effici cupiens monachus dedit ipsi loco quoddam allodium Beluefons vocatum quod sui juris erat francum atque liberrimum Cumque ipsum allodium abbas Jarento sacriste ecclesie Divionensis concessisset ut ecclesiam et sanctorum corpora inde serviret cum magno labore sacrista cepit eam excolere atque edificare sed cum jam cepisset villa ipsa crescere et rustici ibidem inhabitare ceperunt nostri ministri locum inquietare occasiones contra rusticos perquirere atque hominibus ville importuni valde existere Quod videns sacrista nomine Rogerius natione Britto qui pro sua sanctitate erat michi notus et amicus multotiens michi inde conquestus et ut omnes malas consuetudines auferrem est deprecatus Feci itaque quod petebat et tam pro ipsius bonitate quam etiam pro domini Widonis Vuangionis rivi amore qui hoc ipsum querebat ego Hugo dux cum laude Mathildis conjugis mee et filii mei Oddonis ab hodierno die et deinceps concedo et volo ut villa Belue fontis et tota terra ad ipsius fines pertinens sit franca et libera tam a me quam ab omnibus heredibus et successoribus meis in perpetuum Nullus ministrorum meorum audeat ipsam villam ingredi ut ibi quicquam accipiat nec in fines ibidem pertinentes nullam deinceps ibi clamo consuetudinem nec bonam nec malam nec brennariam nec mareschalchiam nec herbergariam neque exigam ultra justiciam de adulterio de sanguine effuso de latrocinio de falsa mensura nec ego nec meus heres Quod si homo ipsius ville in aliqua re culpatus fuerit et clamor de ipso ad meum prepositum factus fuerit nullam audeat justiciam facere donec ad sacristam referatur ipsa causa ut ipse inde justiciam faciat Quod si noluerit tunc meus prepositus justiciam faciat tantummodo in mercato extra vero mercatum numquam sit ausus facere Hanc itaque cartam ne ulla umquam existat dubitatio eam nostro signamus atque confirmamus sigillo Testes Ego ipse Hugo dux et Mathildis conjunx mea et filius meus Oddo testes existimus Wido Vuangionis Rivi dominus Warnerius Sancti Stephani prepositus et fratres ejus Humbertus atque Theodericus qui fuerunt filii predicti Stephani qui ipsam villam sancto Benigno dedit Raynerius de Castellione Hugo dapifer de Granciaco Vuidricus miles de Divione Vualterius Mausvaslet Hugo prepositus filius Jocelmi Evrardus mareschalcus Gislebertus mareschalcus et Carpinus nepos ejus Lambertus Allinardus Paganus Ogerius Bartholomeus subprepositus Divion coccus Robertus sacrista Uldierius nepos ejus Oddo major de Heschiriaco