Charter Document - 06390428
| Charter Number: | 06390428 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1110 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus Sancti Multiplex fore utiliter comprobatur cum litterarum monumentis elemosine fidelium commendantur quia et posterorum cupiditati rapiendi occasio subtrahitur et usus earumdem elemosinarum pauperibus Xpisti perpetualiter conservatur et bonorum devotio ad faciendum elemosinam promptius incitatur Hec itaque sollicita considerans intentione ego Walterius Dei gracia Kabilonensis episcopus pro amore quem erga venerabilem abbatem Divionensis ecclesie domnum Jarentonem immo erga beatum Benignum ejusdem ecclesie patronum habeo precatu ejusdem abbatis laude eciam et testimonio clericorum sancte Kabilonensis ecclesie ecclesiam de Chyvris in honore beati Leodegarii per presentis carte paginam do Deo et sancto Benigno Divi[o]nensis ecclesie patrono abbati Jarentoni et successoribus ejus monachis Divionensibus presentibus et futuris ut eandem ecclesiam cum omnibus ad eam pertinentibus perpetualiter possideant salvo jure matris ecclesie Kabilonensis quatenus fructus istius elemosine michi et omnibus predecessoribus meis episcopis et clericis et fidelibus Cabilonensis ecclesie ad peccatorum remissionem et ad eterne mercedis retributionem proveniat Et ne hujus donationis largitio per succidua tempora in dubium veniat vel in irritum cedat sigillo nostri impressione eam confirmamus et clericis ecclesie nobis commisse eam confirmandam et consignandam delegamus Signum Jozaldi decani S Gauceranni cantoris S Roberti de Millemanda S Hugonis de Fontanis et omnium clericorum ejusdem ecclesie Actum est hoc Kabiloni anno ab incarnatione Domini millesimo CX indictione III epacta XXVIII concurrente V regnante Ludouvico rege Ego Walterius sancte Kabilonensis ecclesie episcopus hanc cartam signo et sigilli mei impressione confirmo