Charter Document - 06390427

Guillelmus Dei gratia sancte Crisopolitane ecclesie servus venerabili fratri et amico karissimo domno Jerentoni Divionensi abbati salutem in Xpisto continuam Si religiosorum virorum justis peticionibus assensum pietatis prebemus ad utriusque vite commodum nobis proficere credimus Tue itaque petitioni satisfacientes assignamus ecclesie tue Divionensi tibique et successoribus tuis duas ecclesias quas ab antecessore nostro obtinueras alteram in villa que dicitur Sarcofagus alteram in altera que vocatur Montiniacus quas salvo jure Bisontine ecclesie tibi et ecclesie tue in perpetuum possidendas concedimus ad consensum clericorum nostrorum et Stephani cantoris in cujus archidiaconatu sunt eedem ecclesie Hujus igitur pagine sigilli nostri impressione signate et virorum autenticorum testimonio confirmamus hoc donum et ne quis illud infringere pertemptat pontificali interdicimus auctoritate Testes qui interfuerunt Guido abbas Alpensis Erluinus canonicus regularis testis Magnerius decanus Sancti Johannis testis Stephanus cantor testis Oddo canonicus Divionensis testis Lambertus prior Sancti Marcelli testis Landricus capellanus abbatis testis Lambertus alter Divionensis monachus prius Bisontinus canonicus testis Agnardus testis Ego Bonifilius recognovi Datum Bisontii IIII nonas octobris