Charter Document - 06390424
| Charter Number: | 06390424 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1108 |
| Date type: | Assigned |
| Resource Link(s): |
|
Charter:
In Nomine Summe et Individue Trinitatis Patris et Filii et Spiritus Sancti Omne quod firmiter et inconvulse possidere cupimus litterarum memorie tradere et ecclesiastice auctoritatis testimonio confirmare debemus Ego igitur Rothbertus sancte Lingonensis ecclesie nutu Dei episcopus notum fore cupio omnibus tam futuris quam presentibus qualiter dominus Guido de Vuangionis rivo nostre dilectionis presentiam humiliter adiens magna devotione postulavit ut beneficium quoddam quod Deo et sancto Benigno Divionensis cenobii et sancto Stephano Vuangionis rivi tribuerat nos etiam ex nostra parte concederemus et pontificali auctoritate confirmaremus Cujus juste et racionabili peti[ci]oni libenter adquiescentes sicut pie postulaverat ita ad effectum perducere curavimus Donamus ergo et concedimus eidem supradicte sancti Stephani ecclesie omnia quecumque canonici qui in capella supradicti castri que monachorum erat possidentes tenebant et habere debebant videlicet ecclesiam de Sarysey cum universis ei pertinentibus et dimidiam capellam de Rohecort cum medietate decime et de Masnyl decimam totam presbiteratum de ecclesia de Hericorth et terram de Grincort medietatem quoque decimarum de Columbei ubi due ecclesie sunt Preterea de suis rebus ipse Guido donat illis totam redecimationem et quecumque canonici habebant apud Mareys quicquid etiam habebant in furnis et in foro et omnia quecumque canonici illi in aliquo loco de suo communi jure habere debebant Hec omnia domnus Guido Vangionis rivi Deo et sancto Benigno et sancto Stephano laude et consilio amicorum suorum scilicet domini Lamberti fratris sui Lingonensis ecclesie archidiaconi et venerabilis uxoris sue Beatricis atque filiorum suorum Roberti et Guidonis fideliter tradit et perpetuo jure habere concedit Nos quoque ex nostra parte illis hec omnia donamus et concedimus et presenti scripto confirmamus et archidiaconis nostris confirmanda tradimus S Lamberti archidiaconi