Charter Document - 06390423
| Charter Number: | 06390423 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1107 - 1113 |
| Date type: | Assigned |
| Resource Link(s): |
|
Charter:
R[ichardus] Albanensis episcopus sedis apostolice servus et legatus J[arentoni] Divionensi abbati et sibi commisse congregationi capellam sancti Petri Salinensis quondam juris Divionensis ecclesie fuisse manifesta veritate comperimus Et hanc vos olim possedisse olim amisisse nuper recuperasse audivimus unde eamdem capellam Divionensi ecclesie auctoritate apostolica confirmamus et divinum officium nobis in ea absque ullius contradictione eadem apostolica auctoritate concedimus celebrare salvo eo ut si Bisontini aliquid juris in ea se habere confidunt canonico et loco et tempore utrimque ad causam veniatis et amico justitie fine inter nos controversia terminetur Si autem vobis paratis ad justitiam ipsi aliud aliquid intentare presumpserint cassum et irritum esse apostolica auctoritate censemus et vobis nichilominus divinum officium ibidem celebrare eadem apostolica auctoritate concedimus