Charter Document - 06390422

Quales quantique fuerunt qui hanc abbatiam primitus extruxerunt designat larga possessionum acquisitio edificiorum adjacentium ampla constructio unde non immerito ignavie rei videbimur esse si quod illi ab ipsis fundamentis potuerunt extruere nostro tempore pro sola tectura contigerit ad nihilum devenire Quod ne quando contingat quadam vice hujus loci seniores venerabilem abbatem Jarentonem studuerunt humiliter adire eumque non improbabili querimonia convenire ut qui nonnullas officinas minus decenter antiquitus factas in melius studuerat reformare bene constructas per sola cooperta non pateretur deperire Quorum querimoniam gratanter suscipiens eorumque suggestionem non inutilem esse perpendens cum consilio et assensu omnium statuit ut ad restaurationem tectorum unaqueque obedientia inferius annotata unum millenarium de asseribus paratis cum septem tignis et decem tegulis unoquoque anno persolveret videlicet obedientia camerarii totidem totidem obedientia cellerarii totidem obedientia sacriste totidem obedientia Vallis Oscare totidem obedientia elemosinarii totidem obedientia de Longo vico totidem obedientia de Saciaco totidem obedientia de Hyschiriaco et Flaciaco totidem obedientia de Marcenniaco et Missiniaco De Vivariis autem et Magnomonte statutum est quum longinquiores et pauperiores sunt quatenus ligni materiem ipse non darent sed ad clavellos emendos quibus asseres configi debent quinque solidos singulis annis persolvant Hoc autem quod unaqueque obedientia debet statutum est ut usque ad Pentecosten solutum habeat postea vero in potestate et arbitrio prioris erit ut ubi magis viderit expedire ibi cujusque ligni materiem jubeat ministrare Et ne hec tam utilis institutio in posterum oblivioni daretur precepit idem abbas ut scriberetur et in crastino festi Omnium Sanctorum ob celebriorem conventum in capitulo legatur et exponatur