Charter Document - 06390417
| Charter Number: | 06390417 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1106 - 1111 |
| Date type: | Assigned |
| Resource Link(s): |
TELMA - Traitement électronique des manuscrits et des archives |
Charter:
Laudabilibus sanctorum patrum exemplis instruimur queque digna memorie litterarum apicibus fideliter annotare ad Dei laudem qui auctor est et amator veritatis et ad refellendas adinventiones et versutias diabolice pravitatis Ego igitur Robertus Dei gratia Lingonensis ecclesie episcopus notum volo fieri omnibus fidelibus tam futuris quam presentibus domnum Jarentonem venerabilem abbatem presentiam nostram adisse et ut ecclesias in honore scilicet sancti Johannis et sancti Eusebii in villa que Latona dicitur sitas et dedicatas ei et ecclesie sancti Benigni martiris Xpisti egregii misericorditer concederemus humiliter expetisse Cujus petitioni benigne assensum prebentes supradictas ecclesias pro remedio anime nostre ac predecessorum nostrorum Lingonensium episcoporum pie concessimus ac perpetuo jure possidendas prefate ecclesie beati Benigni tradendo confirmavimus Hujus rei testes sunt Guilencus decanus et archidiaconus per cujus manum hoc factum est Warnerius archidiaconus Walo abbas Latone Guido archipresbiter qui Paganus dicitur