Charter Document - 06390399
| Charter Number: | 06390399 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1101 - 1106 |
| Date type: | Assigned |
| Resource Link(s): |
TELMA - Traitement électronique des manuscrits et des archives |
Charter:
Hu[go] Lugdunensis ecclesie servus dilecto in Xpisto fratri N[orgaudo] venerabili Eduensium episcopo salutem Dilectioni vestre notificare dignum duximus qualiter controversiam que inter monachos Divionenses et Belnenses clericos agitabatur juditio terminavimus Audita itaque utriusque partis causa et ex altera parte precepto regis Roberti perlecto et ex utraque parte cartis et apostolicis auctoritatibus inspectis ad id quod certius et firmius nobis visum est nos tandem convertimus ad hoc videlicet quod ecclesia sancti Baudelii longam possessionem sine legitima interruptione habuisse videbatur Et quamvis monachi obicerent quod in ecclesia sancti Stephani capellani eorum babtizare soliti essent cumque ab eis requisissemus unde crisma acciperent et ipsi penitus nullum responsum darent cognovimus quod ecclesia illa legitime non babtizaret que ab episcopali sede crisma non susciperet Unde quoniam calumpnia monachorum nullas vires et nullam firmitatem rationis habebat et de his omnibus que super clericos requirebant nihil penitus per juditium consequi poterant in presentia domni Humbaudi Eduensis archidiaconi et domni Walonis archidiaconi Cabilonensis assensu clericorum nostrorum sine omni contradictione adjudicavimus ut prefata sancti Baldelii ecclesia in integrum et quiete possessionem suam in perpetuum possideret Et quoniam annuente Domino sine labore vestro huic negotio congruum finem imposuimus in quo non parvam inimiciciarum materiam vos evasisse cognoscimus licet de infestatione monachorum deinceps clericis ipsis non timeamus vestram tamen nobis dilectam fraternitatem confidutia deprecamur ut hanc Belnensium clericorum causam pro commisso vobis offitio defendatis et tam in his quam in aliis necessitatibus suis sicut clericis vestris patrocinium et tuitionem vestram eisdem conferre studeatis quatinus preces nostras apud vos in hoc sibi sentiant profuisse et nos in suo tempore dignam vobis vicem inde possimus rependere