Charter Document - 06390398

In nomine Patris et Filii et Spiritus Sancti Sicut ad inchoationem justicie spectat sua quemque peccata penitendo confiteri et fugere ita etiam ad fraterne dilectionis perfectionem pertinere cognoscitur ne proximus in peccatum corruat occasionem ei peccandi adimere que duo unius pietatis officia ego Odo dux Burgundie alterum mihi ipsi impendere alterum ad heredum meorum posteritatem procuravi extendere ipse quidem pro peccatorum meorum penitudine iter Hierosolimitanum aggrediens heredibus autem meis ad aliquam peccati cautelam presentia scripta relinquens cum itaque mihi divina inspirasset clementia ut ob enormitatem meorum scelerum sepulchrum nostri Salvatoris adirem quatinus mee devotionis obsequium acceptius foret in conspectu Domini cum pace omnium et maxime servorum Dei me debere proficisci non irrationabiliter judicavi Verum quia erga sanctum Benignum et erga sibi servientes magis tenebar obnoxius operam dedi ut cum illorum pace et benedictione atque orationum suffragio proficisci potuissem unde filio meo Hugone quem vice mea in loco honoris mei relinquebam assumpto adjunctis etiam plurimis ditionis mee nobilibus viris capitulum Divionense ingressus sum et circumsedentibus monachis adstantibus quoque multis de familia Sancti de injuriis quas eis hactenus irrogaveram justiciam feci culpam clamavi et venia petita me absolvi rogavi et si me reverti contingeret de cetero emendaturum promisi qua mea satisfactione et promissione fratres accepta de preteritis data indulgentia me absolverunt et tam pro itineris prosperitate quam pro pollicitationis mee executione in orationum suarum communionem me susceperunt Sane quasdam malas consuetudines de quibus adversum me maxime conquerebantur eis in presenti relaxavi et eas tantum quas tempore religiose memorie Hugonis ducis fratris mei viguisse constat mihi meisque posteris retentavi Sit igitur notum omnibus presentis et futuri evi hominibus quia omnes pessimas consuetudines quas Robertus dux avus meus super abbatiam Divionensem imposuit penitus respuo et ea reverentia qua prefatus frater Hugo terras et homines Sancti tractavit me deinceps tractaturum promitto Et ut idem posteri mei faciant volo opto precipio quod si inter homines Sancti et homines ducis de ipsis consuetudinibus lis orta fuerit virorum nobilium ac veratium testimonio sedabitur ita ut ulterius dux vel homines sui exigere non presumant quicquid tempore supradicti fratris mei virorum nobilium et veratium testimonio constiterit non fuisse exactum Verum quia plerumque cautius observatur quod specialiter imperatur ex ipsis pravis consuetudinibus quas relaxo nonnullas huic mee descriptioni nominatim precepi inserere ut ad eas exigendas nullus imposterum audeat aspirare Illam pravam consuetudinem qua homines ducis solebant per agros discurrere et homines Sancti cum animalibus suis in corvatam vel in carropera ducis violenter adducere amodo remitto et ut tam injusta exactio ulterius non fiat interdico Item excursum quem marischalci et armigeri ducis apud Longum vicum intra villam faciebant ulterius fieri prohibeo Item si quis ex hominibus Sancti terram casamenti sui hominibus ducis pignoris loco absque permissu abbatis vel monachorum tradiderit talis oppignerati rata non erit nec poterit illis obsistere is qui insciis eis terram Sancti pro pignore susceperit Item si homines Sancti et homines ducis conubia junxerint cujus juris fuerit pater ipsius erunt omnes infantes qui ex eo fuerint procreati Si homo Sancti de mercato se intromiserit homines ducis poterunt in eum facere exactionem consuetudinarie cautionis quamdiu idem ministerium tenuerit at si a mercato destiterit nichil ulterius ab eo vel ab ejus herede exigetur nisi ipse vel heres suus de mercato rursum se intromiserit Si homo Sancti aliquam torturam duci vel suis fecerit non in eum vindicetur donec querimonia ad monachos perlata sit nisi forte is de quo querimonia sit in mercato inventus publico Si homo Sancti colonus extiterit alicujus terre Sancti que duci annuam consuetudinem debet et eandem terram incolere destiterit atque permissu monachorum ad aliam terram nichil duci debentem migraverit non eum dux vel sui prosequentur nec ab eo quicquam ulterius exigent postquam coloniam hoc modo mutaverit Apud villam Vivarias dictam nulla mihi debentem quedam injuste usurpaveram sed super his a domno Jarentone conventus justiciam feci et direpta restituens Raynardum vicecomitem Belnensem in testimonium restitutionis ipsius fide jussorem dedi unde amodo eandem villam ab omni mea meorumque infestatione liberrimam permanere censeo et ut nullus heredum meorum ipsius ville habitatores aliquo modo inquietare presumat interdico Medietatem Divionensis monete de qua multotiens fraus monachis illata est ita amodo sancto Benigno concedo sicut eam illi prefatus frater meus Hugo dux noscitur concessisse ut eadem moneta ab[s]que permissu abbatis aut monachorum Divionensium non minuatur non augmentetur non alio transferatur et ut noverint omnes hoc ipsum me fideliter decrevisse ipsum monetarium nomine Johannem hanc eandem concessionem in manu monachorum sub sacramento firmare feci Item de portagio quod ministri portarum mearum a commeantibus exigunt precipio ut monachi sancti Benigni et hi qui Divioni habitant et hi qui per cellas morantur liberam habeant potestatem vinum ducendi in proprios usus obedientiarum suarum quantumcumque necesse habuerint nec ab eis aliquod portagium exigatur Item homines de Casnedo eandem consuetudinem de pedagio habere concedo quam et alie ville sancti Benigni habere noscuntur Do etiam Deo et sancto Benigno Annelinam filiam Josberti Loripedis que est uxor Humberti de Portu et ipsam et infantes quos genuerit homines quoque istos qui subter annotati sunt ab omni mea meorum[que] consuetudine liberos amodo relinquo Aymonem et Durannum de Quintiniaco Walonem et Symonem de Canavis Robertum et Valetum de Canavis et Otgerium de Prunido Ego Odo dux Burgundie hanc cartam signo et confirmo et filiis et fidelibus meis signandam trado S Hugonis filii mei S Henrici filii mei S Walonis canonici S Raynerii de Castellione S Hugonis dapiferi S Raynardi de Glana S Josberti Rufi S Walterii conestabuli S Walonis de Sarmatia S Raynaldi de Granceio De familia sancti Benigni Durannus major Humbertus Blancus Odilardus Rodulfus et Humbertus filii ejus et alii multi Actum Divioni anno dominice incarnationis ICI indictione VIIII epacta XVIII concurrente I Phylippo rege regnante episcopatum Lingonensis ecclesie tenente domno Roberto presule Divionensem abbatiam tenente domno Jarentone abbate