Charter Document - 06390392
| Charter Number: | 06390392 |
|---|---|
| Cartulary Title: | Chartes et documents de Saint-Bénigne de Dijon: prieurés et dépendances, des origines à 1300 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1098 |
| Date type: | Internal, A.D., Calendar, Event |
| Resource Link(s): |
|
Charter:
Urb[anus] episcopus servus servorum Dei dilecto filio Jerentoni Divionensi abbati salutem et apostolicam benedictionem Quanvis ad eternum sufficere debeat monimentum quod Arvernis in auditu omnium generale sanxit concilium ne quid tamen perfectionis in hac parte paci desit monastice donum quod tibi per manum nostram factum est ab fratre et coepiscopo nostro Odone venerabili Baiocensium presule nos iterum ea qua possumus auctoritate tibi successoribusque tuis inviolabile concedimus manus proprie subscriptione confirmamus sigilli nostri suppositione roboramus monasterium videlicet sancti Vigoris cum decimis et appendiciis suis cum presbitero et universis consuetudinibus suis cum medietate totius ville et omnium ad eandem villam pertinentium tam in territorio et hominibus quam in ceteris quibuslibet reditibus cum medietate mercati annualis quod fit ibi kalendis novembris et quicquid ad ecclesiam pertinebat que in eodem loco prius erat quatuor etiam burgenses cum terris et consuetudinibus suis et ad portum piscatores cum terra in qua manent et navi sua et consuetudinibus ejus ecclesiam et plenam decimam de tota Chricavilla cum terra et omnibus que ad ecclesiam pertinent et ecclesiam de Tor et de Crulleio et ecclesiam de Olferes et de Colgrino cum plenis decimis et terris que ad ipsas ecclesias pertinent cum presbiteris et eorum terris et universis consuetudinibus suis Hec omnia tibi confirmamus in possessionem et tue ecclesie ea ipsa libertate qua eas visus est idem episcopus possedisse salva dumtaxat reverentia et obedientia debita sibi et matrici ecclesie Sepulturam etiam pontificum et canonicorum Baiocensium juxta quod ejusdem pontificis continet decretum decernimus et nos ibi fieri in perpetuum nec unquam locus ipse divellatur a tua vel successorum tuorum potestate nec si contigerit ibi abbatiam fore Quicquid etiam eidem loco indulgentia principum est vel erit collatum auctoritatis nostre munimine fiat roboratum videlicet plenaria libertas et omnium consuetudinum immunitas ita ut qui se vel terram suam sancto Benigno et sancto Vigori tradiderit ab omni curie servitio liber existat Confirmamus etiam tibi cotidiana quatuor asinorum onera de viridi ligno in nemore Verneio Si qua sane ecclesiastica secularisve persona contra hanc nostre constitutionis paginam temere venire temptaverit a sacratissimo corpore et sanguine domini nostri Jhesu Xpisti aliena fiat et nisi resipuerit in extremo examine districte ultioni subjaceat Data Laterani pridie idus martii anno ab incarnatione Domini MXCVIII indictione VI biennio post Arvernense concilium Ego Urbanus ecclesie catholice episcopus subscripsi