Charter Document - 06390391

In Nomine Sancte et Individue Trinitatis Ego Odo Baiocensis episcopus cogitans peccatorum meorum immanitatem perpendens etiam districti judicis de actibus meis discussionem pro remedio anime mee et parentum meorum et pro requie episcoporum hujus sancte sedis Baiocensis et canonicorum qui dormierunt qui sunt et qui futuri sunt constituo et do Deo et sancto Benigno Gerentoni abbati Divionensi et successoribus ejus et fratribus ejusdem cenobii futuris et presentibus monasterium sancti Vigoris de monte Chrismatis cum appenditiis suis videlicet plenam decimam totius ville in qua monasterium situm est et omnium ad eandem villam pertinentium et quicquid ad ecclesiam que ibi erat prius pertinebat cum presbitero et universis consuetudinibus suis et preterea medietatem ejusdem totius ville tam in hominibus et territorio quam in ceteris reditibus cum medietate annualis mercati quod fit ibidem in festivitate Omnium Sanctorum et IIII burgenses duos in campo Florido et duos ad pontem Olberti cum terra et consuetudinibus eorum et apud quandam villam que vocatur Portus piscatores cum terra in qua manent et navi sua et consuetudinibus ejus et plenam decimam de tota Chriccavilla cum terra et omnibus que ad ecclesiam pertinent et ecclesiam de Tor et de Crusseio et de Olferes et de Colgrino cum plenis decimis et terris que ad ipsas ecclesias pertinent et terris presbiterorum Hec itaque omnia sicut ea etiam jam pridem et tempore Guillelmi fratris mei regis Anglorum ac Normannie comitis prefata ecclesia sancti Vigoris possidere visa est et quicquid ipsi monachi deinceps juste adquisierint dono trado laudo et concedo ecclesie Divionensi assensu et laude canonicorum et fidelium nostrorum salva reverentia et debita obedientia sancte Baiocensis matris ecclesie Constituo etiam ibidem fieri sepulturam corporis mei et successorum meorum et canonicorum ritu sempiterno laude eorumdem canonicorum Quod si adeo creverit locus ipse ut abbas ibidem juste possit constitui videlicet ut tanti sint reditus qui hoc possint pati abbas quoque Divionensis et episcopus Baiocensis communiter id tractaverint et simul judicaverint expedire abbas Divionensis de suis in capitulo Divionensi electionem faciet et personam electam assignabit episcopo Baiocensi Qui ordinatus sub eodem abbate erit et eandem potestatem quam prius in prefato monasterio tam super ipsum quam super ceteros abbas Divionensis habebit Istud sane donum laude et assensu domini mei comitis Normannie Roberti confirmatum est qui et dedit eidem monasterio sancti Vigoris plenariam libertatem videlicet omnes consuetudines per totam terram suam que ad illum pertinebant de dominicis suis rebus tam in passagio et theloneo quam in ceteris reditibus et de suo proprio in cotidiano usu fratrum ibidem Deo servientium onera IIII asinorum de viridi ligno in nemero suo Verneio et quisquis de terra sua aliquid de suo prefato monasterio traderet id sibi ratum fore concessit ne occasione juris sui ullo modo posset revocari et ut monasterium idem ecclesia Divionensis possideret jure sempiterno Quisquis igitur cartam hanc donationis infringere temptaverit ira Dei veniat super eum deleatur de libro viventium et cum justis non scribatur et sit anathema maranatha usque in diem Domini nisi resipuerit Qui autem ista laudaverit et fidelis cooperator accesserit pax super illum et benedictio usque dum videat Deum deorum in Syon Et ut hec carta firma et inconvulsa permaneat sigilli nostri impressione eam firmavi et testibus corroborandam tradidi Ego Odo Baiocensis episcopus hanc cartam lectam et perlectam confirmo et subscribo S Roberti nobilissimi comitis Normannie S Willelmi decani S Rodulfi archidiaconi S Helgodi archidiaconi S Roberti de Tribus Montibus S Willelmi de Archis monachi S Engelranni filii Hilberti S Willelmi de Bretulio S Willelmi de Similiaco Willelmi de Columberiis Anno ab incarnatione Domini MXCVI indictione IIII concurrente II XVIIII anno principatus domni Roberti Willelmi regis Anglorum filii ducis Normannie hec carta confirmata est et sigillo suo signata Actum publice Baiocas mense maio die XXIIII ejusdem mensis VIIII kalendas junii luna XXVII feria Septima bissextili anno